Showing posts with label ਡੇਅਰੀ ਵਿਕਾਸ. Show all posts
Showing posts with label ਡੇਅਰੀ ਵਿਕਾਸ. Show all posts

Wednesday, November 28, 2012

ਵਿਦੇਸ਼ੀ ਪ੍ਰਚੂਨ ਨਿਵੇਸ਼ ਦੀ ਭਾਰਤ ਵਿੱਚ ਆਮਦ

ਛੋਟਾ ਵਪਾਰ ਅਤੇ ਛੋਟੀ ਦੁਕਾਨਦਾਰੀ ਖਤਮ ਹੋ ਜਾਵੇਗੀ-ਮੁੱਖ ਮੰਤਰੀ ਬਾਦਲ  
*ਵੇਰਕਾ ਐਕਸਪ੍ਰੈਸ ਮਿਲਕ ਬਾਰ-ਕਮ-ਫ਼ਾਸਟ ਫੂਡ ਜੁਆਇੰਟ ਦਾ ਕੀਤਾ ਉਦਘਾਟਨ
*ਮਿਲਕ ਪਲਾਂਟ ਲੁਧਿਆਣਾ ਵਿਖੇ 1 ਕਰੋੜ ਰੁਪਏ ਦੀ ਲਾਗਤ ਨਾਲ  ਬਣਿਆ ਨਵਾਂ ਸਿਸਟਮ

*ਸਹਿਕਾਰਤਾ ਕਿਸਾਨਾਂ ਦੀ ਰੀੜ੍ਹ' ਦੀ ਹੱਡੀ
ਮੁੱਖ ਮੰਤਰੀ ਪਰਕਾਸ਼ ਸਿੰਘ ਬਾਦਲ ਮਿਲਕ ਪਲਾਂਟ ਲੁਧਿਆਣਾ ਵਿਖੇ ਵੇਰਕਾ ਐਕਸਪ੍ਰੈਸ ਮਿਲਕ ਬਾਰ-ਕਮ-ਫ਼ਾਸਟ ਫੂਡ ਜੁਆਇੰਟ ' ਦਾ ਉਦਘਾਟਨ ਕਰਦੇ ਹੋਏੇ
ਲੁਧਿਆਣਾ 27 ਨਵੰਬਰ: (ਰੈਕਟਰ ਕਥੂਰੀਆ) ਵਿਦੇਸ਼ੀ ਪ੍ਰਚੂਨ ਨਿਵੇਸ਼ ਦੇ ਭਾਰਤ ਵਿੱਚ ਆਮਦ ਨਾਲ ਇੱਥੋਂ ਦੇ ਛੋਟੇ ਵਪਾਰੀ ਅਤੇ ਛੋਟੀ ਦੁਕਾਨਦਾਰੀ ਖਤਮ ਹੋ ਜਾਵੇਗੀ ਅਤੇ ਕੈਨੇਡਾ, ਅਮਰੀਕਾ ਵਰਗੇ ਵਿਕਸਤ ਦੇਸ਼ਾਂ ਦੇ ਮੁਕਾਬਲੇ ਭਾਰਤ ਜਿਹੇ ਵਿਕਾਸਸ਼ੀਲ ਦੇਸ ਵਿੱਚ ਅਜੇ ਇਹ ਸਕੀਮ ਕਾਮਯਾਬ ਨਹੀਂ ਹੋ ਸਕਦੀ।
               ਇਹ ਪ੍ਰਗਟਾਵਾ ਸ. ਪਰਕਾਸ਼ ਸਿੰਘ ਬਾਦਲ ਮੁੱਖ ਮੰਤਰੀ ਪੰਜਾਬ ਨੇ ਅੱਜ ਮਿਲਕ ਪਲਾਂਟ ਲੁਧਿਆਣਾ ਵਿਖੇ 1 ਕਰੋੜ ਰੁਪਏ ਦੀ ਲਾਗਤ ਨਾਲ ਬਣੇ ' ਵੇਰਕਾ ਐਕਸਪ੍ਰੈਸ ਮਿਲਕ ਬਾਰ-ਕਮ-ਫ਼ਾਸਟ ਫੂਡ ਜੁਆਇੰਟ ' ਦਾ ਉਦਘਾਟਨ ਕਰਨ ਉਪਰੰਤ ਪੱਤਰਕਾਰਾਂ ਨੂੰ ਸੰਬੋਧਨ ਕਰਦਿਆਂ ਕੀਤਾ।
                 ਪੱਤਰਕਾਰਾਂ ਵੱਲੋਂ ਸਿਰਸਾ ਵਿਖੇ ਛਿੜੇ ਵਿਵਾਦ ਤੇ ਹੋਏ ਟਕਰਾਅ ਸਬੰਧੀ ਪੁੱਛੇ ਸਵਾਲ ਦਾ ਜਵਾਬ ਦਿੰਦਿਆਂ ਕਿਹਾ ਕਿ ਸੂਬੇ ਵਿੱਚ ਅਮਨ ਤੇ ਸ਼ਾਂਤੀ ਨੂੰ ਹਰ ਹਾਲਤ ਵਿੱਚ ਬਰਕਰਾਰ ਰੱਖਿਆ ਜਾਵੇਗਾ ਅਤੇ ਕਿਸੇ ਨੂੰ ਵੀ ਕਾਨੂੰਨ ਨੂੰ ਆਪਣੇ ਹੱਥਾਂ ਵਿੱਚ ਲੈਣ ਦੀ ਇਜ਼ਾਜ਼ਤ ਨਹੀਂ ਦਿੱਤੀ ਜਾਵੇਗੀ। ਉਹਨਾਂ ਕਿਹਾ ਕਿ ਕਿਸੇ ਵੀ ਮਾਮਲੇ 'ਚ ਕੋਈ ਵੀ ਵਿਅਕਤੀ ਗੁਨਾਹਗਾਰ ਸਾਬਤ ਹੋਣ 'ਤੇ ਸਜ਼ਾ ਦਾ ਹੱਕਦਾਰ ਹੈ। ਕਾਂਗਰਸ ਪਾਰਟੀ ਦੇ ਨੇਤਾਵਾਂ ਵੱਲੋਂ ਮੰਡੀਆਂ 'ਚੋਂ ਝੋਨੇ ਦੀ ਚੁਕਾਈ ਨਾ ਹੋਣ ਦੇ ਦੋਸ਼ਾਂ ਸਬੰਧੀ ਪੁੱਛੇ ਗਏ ਸਵਾਲ ਦਾ ਜਵਾਬ ਦਿੰਦਿਆਂ ਸ੍ਰ. ਬਾਦਲ ਨੇ ਕਿਹਾ ਕਿ ਝੋਨੇ ਦੀ ਲਿਫ਼ਟਿੰਗ ਤੇ ਸਟੋਰ ਕਰਨ ਦੀ ਜ਼ਿੰਮੇਵਾਰੀ ਕੇਂਦਰ ਸਰਕਾਰ ਦੀ ਹੈ ਅਤੇ ਪੰਜਾਬ ਸਰਕਾਰ ਕੇਂਦਰ ਦੀ ਮਰਜ਼ੀ ਤੋਂ ਬਗੈਰ ਕੁੱਝ ਵੀ ਨਹੀਂ ਕਰ ਸਕਦੀ। ਇਸ ਲਈ ਝੋਨੇ ਦੀ ਲਿਫ਼ਟਿੰਗ ਵਿੱਚ ਦੇਰੀ ਲਈ ਕੇਂਦਰ ਸਰਕਾਰ ਹੀ ਜ਼ਿੰਮੇਵਾਰ ਹੈ।
               ਇਸ ਮੌਕੇ ਤੇ ਸ. ਬਾਦਲ ਨੇ ਕਿਹਾ ਕਿ ਮਿਲਕ ਪਲਾਂਟ ਲੁਧਿਆਣਾ ਵੱਲੋਂ ਵੇਰਕਾ ਐਕਸਪ੍ਰੈਸ ਮਿਲਕ ਬਾਰ-ਕਮ-ਫ਼ਾਸਟ ਫੂਡ ਜੁਆਇੰਟ ਖੋਲ੍ਹਣ ਦੀ ਕੀਤੀ ਇਸ ਪਹਿਲ-ਕਦਮੀ ਨਾਲ ਜਿੱਥੇ ਮਿਲਕ ਪਲਾਂਟ ਨੂੰ ਵਿੱਤੀ ਲਾਭ ਹੋਵੇਗਾ, ਉੱਥੇ ਸ਼ਹਿਰ ਵਾਸੀਆਂ ਤੇ ਸੈਲਾਨੀਆਂ ਨੂੰ ਉੱਚ ਗੁਣਵੱਤਾ ਵਾਲਾ ਦੁੱਧ ਅਤੇ ਸ਼ੁੱਧ ਖਾਣ-ਪੀਣ ਵਾਲੀਆਂ ਵਸਤਾਂ ਉੱਪਲੱਭਦ ਹੋਣਗੀਆਂ। ਉਹਨਾਂ ਕਿਹਾ ਕਿ ਸਹਿਕਾਰਤਾ ਕਿਸਾਨਾਂ ਦੀ ਰੀੜ੍ਹ' ਦੀ ਹੱਡੀ ਹੈ ਅਤੇ ਸਹਿਕਾਰੀ ਅਦਾਰਿਆਂ ਦੁਆਰਾ ਕਿਸਾਨਾਂ ਨੂੰ ਹਰ ਕਿਸਾਨੀ ਸਹੂਲਤ ਪ੍ਰਦਾਨ ਕੀਤੀ ਜਾ ਰਹੀ ਹੈ। ਉਹਨਾਂ ਕਿਹਾ ਕਿ ਖੇਤੀ ਖੇਤਰ ਵਿੱਚ ਨਿੱਜੀ ਪੁੰਜੀ ਵਧਾਉਣ ਲਈ ਕਰਜੇਅਹਿਮ ਭੂਮਿਕਾ ਅਦਾ ਕਰਦੇ ਹਨ ਅਤੇ ਪੰਜਾਬ ਦੀਆਂ ਸਹਿਕਾਰੀ ਬੈਂਕਾਂ ਨੂੰ ਕਿਸਾਨਾਂ ਦੀਆਂ ਜਰੂਰਤਾਂ ਅਨੁਸਾਰ ਕਰਜਾ ਸਕੀਮਾਂ ਤਿਆਰ ਕਰਨ ਦੀਆਂ ਹਦਾਇਤਾਂ ਜ਼ਾਰੀ ਕੀਤੀਆਂ ਗਈਆਂ ਹਨ। ਉਹਨਾਂ ਕਿਹਾ ਕਿ ਪੰਜਾਬ ਦੇ ਦੁੱਧ ਉਦਪਾਦਕਾਂ ਨੂੰ ਮਿਲਕਫੈਡ ਵੱਲੋ ਪੂਰਾ ਸਾਲ ਦੁੱਧ ਦੀ ਮੰਡੀ ਉਪਲੱਭਧ ਕਰਵਾਈ ਜਾ ਰਹੀ ਹੈ ਅਤੇ ਕਿਸਾਨਾਂ ਦੀ ਖੁਸ਼ਹਾਲੀ ਲਈ ਯਤਨ ਕੀਤੇ ਜਾ ਰਹੇ ਹਨ।
               ਸ. ਸ਼ਰਨਜੀਤ ਸਿੰਘ ਢਿੱਲੋ ਲੋਕ ਨਿਰਮਾਣ ਮੰਤਰੀ ਪੰਜਾਬ ਨੇ ਕਿਹਾ ਕਿ ਮੁੱਖ ਮੰਤਰੀ ਸ. ਪਰਕਾਸ਼ ਸਿੰਘ ਬਾਦਲ ਦੀ ਅਗਵਾਈ ਹੇਠ ਪੰਜਾਬ ਦੇ ਸਹਿਕਾਰਤਾ ਵਿਭਾਗ ਵੱਲੋਂ ਕਿਸਾਨੀ ਨੂੰ ਖੇਤੀ ਅਤੇ ਡੇਅਰੀ ਸਬੰਧੀ ਧੰਦਿਆਂ ਨੂੰ ਨਵੀਨਤਮ ਤਕਨੀਕ ਦੁਆਰਾ ਅਪਨਾਉਣ ਲਈ ਪਰਜ਼ੋਰ ਯਤਨ ਕੀਤੇ ਜਾ ਰਹੇ ਹਨ। ਉਹਨਾਂ ਦੱਸਿਆ ਕਿ ਸਹਿਕਾਰਤਾ ਵਿਭਾਗ ਦੇ ਮਿਲਕ ਪਲਾਂਟਾਂ ਦੁਆਰਾ ਚਲਾਈਆਂ ਗਈਆਂ ਸਕੀਮਾਂ ਅਧੀਨ ਪੰਜਾਬ ਦੇ ਕਿਸਾਨਾਂ ਨੂੰ ਡੇਅਰੀ ਦੇ ਧੰਦਿਆਂ ਵਿੱਚ ਸਬ-ਸਿਡੀਆਂ ਦੇ ਕੇ ਸਹੂਲਤਾਂ ਦਿੱਤੀਆਂ ਜਾ ਰਹੀਆਂ ਹਨ।
               ਵੇਰਕਾ ਮਿਲਕ ਪਲਾਂਟ ਲੁਧਿਆਣਾ ਦੇ ਚੇਅਰਮੈਨ ਸ. ਅਜਮੇਰ ਸਿੰਘ ਭਾਗਪੁਰ ਨੇ ਮੁੱਖ ਮੰਤਰੀ ਪੰਜਾਬ ਅਤੇ ਹੋਰ ਮਹਿਮਾਨਾਂ ਦਾ ਧੰਨਵਾਦ ਕਰਦਿਆਂ ਕਿਹਾ ਕਿ ਮੁੱਖ ਮੰਤਰੀ ਪੰਜਾਬ ਸ. ਪਰਕਾਸ਼ ਸਿੰਘ ਬਾਦਲ ਦੀ ਸੁਚੱਜੀ ਰਹਿਣੁਮਾਈ ਹੇਠ ਮਿਲਕਫ਼ੈਡ ਪੰਜਾਬ ਵੱਲੋਂ ਦੁੱਧ ਉਤਪਾਦਕਾਂ ਅਤੇ ਖਪਤਕਾਰਾਂ ਦੀ ਬਿਹਤਰੀ ਲਈ ਵਿਸ਼ੇਸ਼ ਉਪਰਾਲੇ ਕੀਤੇ ਜਾ ਰਹੇ ਹਨ। ਉਹਨਾਂ ਦੱਸਿਆ ਕਿ ਇਸ ਵੇਰਕਾ ਐਕਸਪ੍ਰੈਸ ਮਿਲਕ ਬਾਰ-ਕਮ-ਫ਼ਾਸਟ ਫੂਡ ਜੁਆਇੰਟ ਵਿੱਚ ਸੈਲਾਨੀਆਂ ਦੇ ਬੈਠਣ ਅਤੇ ਬੱਚਿਆਂ ਦੇ ਮਨੋਰੰਜਨ ਦਾ ਖਾਸ ਪ੍ਰਬੰਧ ਕੀਤਾ ਗਿਆ ਹੈ। ਉਹਨਾਂ ਦੱਸਿਆ ਕਿ ਇਸ ਮਿਲਕ ਬਾਰ ਵਿੱਚ ਵੇਰਕਾ ਦੇ ਦੁੱਧ ਅਤੇ ਦੁੱਧ ਪਦਾਰਥਾਂ ਤੋਂ ਇਲਾਵਾ ਫ਼ਾਸਟ ਫੂਡ ਅਤੇ ਹਰ ਤਰ੍ਹਾਂ ਦੇ ਪੰਜਾਬੀ ਤੇ ਕੰਟੀਨੈਟਲ ਖਾਣੇ ਮਹੁੱਈਆ ਕਰਵਾਏ ਜਾਣਗੇ।
               ਇਸ ਮੌਕੇ 'ਤੇ ਹੋਰਨਾਂ ਤੋਂ ਇਲਾਵਾ ਮੁੱਖ ਮੰਤਰੀ ਪੰਜਾਬ ਦੇ ਪ੍ਰਮੁੱਖ ਸਕੱਤਰ ਸ੍ਰੀ ਐਸ.ਕੇ. ਸੰਧੂ ਤੇ ਵਿਸ਼ੇਸ਼ ਪ੍ਰਮੁੱਖ ਸਕੱਤਰ ਸ੍ਰੀ ਕੇ.ਜੇ.ਐਸ ਚੀਮਾ, ਡਾ. ਬਲਵਿੰਦਰ ਸਿੰਘ ਸਿੱਧੂ ਐਮ.ਡੀ.ਮਿਲਕਫੈਡ, ਮਸ. ਸ਼ਰਨਜੀਤ ਸਿੰਘ ਢਿੱਲੋ ਲੋਕ ਨਿਰਮਾਣ ਮੰਤਰੀ ਪੰਜਾਬ, ਵੇਰਕਾ ਮਿਲਕ ਪਲਾਂਟ ਲੁਧਿਆਣਾ ਦੇ ਚੇਅਰਮੈਨ ਸ. ਅਜਮੇਰ ਸਿੰਘ ਭਾਗਪੁਰ, ਸ. ਜਗਜੀਤ ਸਿੰਘ ਤਲਵੰਡੀ ਤੇ ਸ. ਰਘਵੀਰ ਸਿੰਘ ਸਹਾਰਨ ਮਾਜਰਾ (ਦੋਵੇਂ ਮੈਂਬਰ ਐਸ.ਜੀ.ਪੀ.ਸੀ), ਜਨਰਲ ਮੈਨੇਜਰ ਮਿਲਕ ਪਲਾਂਟ ਸ੍ਰੀ ਐਸ.ਆਰ.ਸੈਣੀ, ਲੁਧਿਆਣਾ ਮਿਲਕ ਪਲਾਂਟ ਦੇ ਸਮੂਹ ਬੋਰਡ ਆਫ਼ ਡਾਇਰੈਕਟਰਜ਼, ਸ੍ਰੀ ਸਹਿਜਪਾਲ ਸਿੰਘ ਮਾਂਗਟ, ਸ੍ਰੀ ਜਤਿੰਦਰਪਾਲ ਸਿੰਘ ਸਲੂਜਾ, ਸ੍ਰੀ ਕੁਲਵਿੰਦਰ ਸਿੰਘ ਦਹੀਂ ਅਤੇ ਹੋਰ ਪਤਵੰਤੇ ਵਿਅਕਤੀ ਹਾਜ਼ਰ ਸਨ।
                                       -----------

Tuesday, July 26, 2011

ਸਿਰਫ 45 ਦਿਨਾਂ ਵਿੱਚ ਬਣੋ ਡੇਅਰੀ ਵਿਕਾਸ ਦੇ ਮਾਹਰ

ਡੇਅਰੀ ਉੱਦਮ ਸਿਖਲਾਈ ਡੇਅਰੀ ਫਾਰਮਰ ਦੀ ਸਵੈ ਨਿਰਭਰਤਾ ਵਾਲੀ ਕੁੰਜੀ- ਰਣੀਕੇ
ਚੰਡੀਗੜ-26 ਜੁਲਾਈ:ਪੰਜਾਬ ਡੇਅਰੀ ਵਿਕਾਸ ਬੋਰਡ ਵੱਲੋਂ ਚਲਾਈ ਜਾ ਰਹੀ 45 ਦਿਨਾਂ ਡੇਅਰੀ ਉੱਦਮ ਸਿਖਲਾਈ ਰਾਜ ਦੇ ਡੇਅਰੀ ਫਾਰਮਰਾਂ ਲਈ ਸਵੈ ਨਿਰਭਰਤਾ ਦੀ ਕੁੰਜੀ ਹੈ। ਇਹ ਗੱਲ ਦੀ ਜਾਣਕਾਰੀ ਦਿੰਦਿਆਂ ਅੱਜ ਪੰਜਾਬ ਦੇ ਪਸੂ ਪਾਲਣ, ਮੱਛੀ ਪਾਲਣ ਤੇ ਡੇਅਰੀ ਵਿਕਾਸ ਮੰਤਰੀ ਗੁਲਜਾਰ ਸਿੰਘ ਰਣੀਕੇ,ਨੇ ਦੱਸਿਆ ਕਿ 45 ਦਿਨਾਂ ਦੀ ਇਹ ਸਿਖਲਾਈ ਸਚਮੁੱਚ ਡੇਅਰੀ ਫਾਰਮਰ ਨੂੰ ਇੱਕ ਡੇਅਰੀ ਉੱਦਮੀ ਬਣਾਉਨ ਦੀ ਸਮਰੱਥਾ ਰੱਖਦੀ ਹੈ। 
ਰਣੀਕੇ ਨੇਦੱਸਿਆ ਕਿ ਪੰਜਾਬ ਵਿੱਚ ਡੇਅਰੀ ਉੱਦਮ ਸਿਖਲਾਈ ਦੇ ਹਰ ਸਾਲ ਪੰਜ ਬੈਚ ਚਲਾਏ ਜਾਂਦੇ ਹਨ। ਡੇਅਰੀ ਵਿਕਾਸ ਵਿਭਾਗ ਅਤੇ ਪੰਜਾਬ ਡੇਅਰੀ ਵਿਕਾਸ ਬੋਰਡ ਦ ਸੱਤ ਡੇਅਰੀ ਸਿਖਲਾਈ ਅਤੇ ਵਿਸਥਾਰ ਕਂਦਰਾਂ ਚਤਾਮਲੀ (ਜ਼ਿਲਾ ਰੋਪੜ), ਬੀਜਾ (ਜ਼ਿਲਾ ਲੁਧਿਆਣਾ), ਤਰਨਤਾਰਨ, ਫਗਵਾੜਾ (ਜ਼ਿਲਾ ਕਪੂਰਥਲਾ), ਗਿੱਲ(ਜ਼ਿਲਾ  ਮੋਗਾ), ਅਬੁੱਲ ਖੁਰਾਣਾ (ਜ਼ਿਲਾ ਮੁਕਤਸਰ) ਅਤੇ ਵੇਰਕਾ (ਜ਼ਿਲਾ ਅਮ੍ਰਿਤਸਰ) ਤੇ ਚਲਾਈ ਜਾਂਦੀ ਹੈ। ਇਸ ਸਿਖਲਾਈ ਵਿੱਚ ਡੇਅਰੀ ਫਾਰਮਿੰਗ ਸਬੰਧੀ ਮੁੱਢਲੀ ਜਾਣਕਾਰੀ ਤੋਂ ਇਲਾਵਾ ਬਰੀਡਿੰਗ ਅਤੇ ਦੁੱਧ ਪ੍ਰਬੰਧਨ ਦੇ ਤਕਨੀਕੀ ਵਿਸ਼ੇ ਸਾਮਲ ਕੀਤੇ ਗਏ ਹਨ। ਡੇਅਰੀ ਉੱਦਮ ਸਿਖਲਾਈ ਪ੍ਰਾਪਤ ਡੇਅਰੀ ਫਾਰਮਰ ਆਪਣੇ ਡੇਅਰੀ ਫਾਰਮ ਤੇ  ਸਾਰੇ ਕੰਮ ਖੁਦ ਸੰਭਾਲ ਸਕਦਾ ਹੈ, ਜਿਸ ਕਾਰਨ ਸਾਰੇ ਕੰਮ ਸਮੇਂ ਸਿਰ ਹੋ ਸਕਦੇ ਹਨ ਅਤੇ ਫਾਰਮ ਦੀ ਕਾਰਜਕੁਸਲਤਾ ਵਿੱਚ ਵਾਧਾ ਹੁੰਦਾ ਹੈ।
ਮੰਤਰੀ ਣੇ ਦੱਸਿਆ ਕਿ ਡੇਅਰੀ ਉੱਦਮ ਸਿਖਲਾਈ ਲਈ ਹਰ ਦਸਵੀਂ ਪਾਸ ਨੌਜਵਾਨ, ਜਿਸ ਦੀ ਉਮਰ 18 ਤੋਂ 45 ਸਾਲ ਹੈ,  ਯੋਗ ਪਾਤਰ ਹੈ, ਪਰ ਉਸ ਕੋਲ ਘੱਟ ਤੋਂ ਘੱਟ 5 ਦੁਧਾਰੂ ਪਸੂਆਂ ਦਾ ਡੇਅਰੀ ਫਾਰਮ ਹੋਣਾ ਚਾਹੀਦਾ ਹੈ। ਇਸ ਸਿਖਲਾਈ ਲਈ ਜਨਰਲ ਕੈਟਾਗਰੀ ਦੇ ਉਮੀਦਵਾਰਾਂ ਨੂੰ 3000/- ਰੁਪÂ ਅਤੇ ਅਨੁਸੂਚਿਤ ਜਾਤੀ ਦੇ ਉਮੀਦਵਾਰਾਂ ਨੂੰ 2500/- ਪ੍ਰਤੀ ਕੋਰਸ ਦੀ ਫੀਸ ਦਣੀ ਹੋਵਗੀ। ਹਰ ਸਿਖਲਾਈ ਕੇਂਦਰ ਤੇ ਹੋਸਟਲ ਦਾ ਯੋਗ ਪ੍ਰਬੰਧ ਹੈ, ਜਿਸ ਵਿੱਚ ਮੈੱਸ, ਸਹਿਕਾਰੀ ਤੌਰ ਤ ਸਿਖਿਆਰਥੀਆਂ ਵੱਲੋਂ ਆਪਣੇ ਖਰਚ ਤੇ ਚਲਾਉਣੀ ਹੁੰਦੀ ਹੈ।
ਉਨਾਂ ਅੱਗੇ ਦੱਸਿਆ ਕਿ ਇਸ ਸਿਖਲਾਈ ਵਿੱਚ ਦਾਖਲ ਹੋਣ ਲਈ ਪੂਰੀ ਵਿਧੀ ਬਹੁਤ ਹੀ ਪਾਰਦਰਸੀ ਹੈ। ਸੌ ਰੁਪਏ ਦੀ ਕੀਮਤ ਨਾਲ ਪ੍ਰਾਸਪੈਕਟਸ ਖਰੀਦਿਆ ਜਾ ਸਕਦਾ ਹੈ, ਜਿਸ ਵਿੱਚ ਦਾਖਲੈ ਲਈ ਬਿਨੈ ਪੱਤਰ ਸਾਮਲ ਹੁੰਦਾ ਹੈ। ਗਠਿਤ ਕਮੈਟੀਆਂ ਵੱਲੋਂ ਉਮੀਦਾਰਾਂ ਦੀ ਚੋਣ ਲਈ ਇੰਟਰਵਿਊ ਕੀਤੀ ਜਾਂਦੀ ਹੈ। ਇਸ ਸਿਖਲਾਈ ਦਾ ਅਗਲਾ ਬੈਚ ਮਿਤੀ 16-8-2011 ਤੋਂ ਚੱਲੇਗਾ ਅਤੇ ਇੰਟਰਵਿਊ ਹਰ ਸਿਖਲਾਈ ਕਂਦਰ ਤੇ ਮਿਤੀ 8-8-2011 ਨੂੰ ਸਵੇਰੇ 100 ਵਾਜੇ ਤੋਂ ਆਰੰਭ ਹੋਵਗੀ। ਯੋਗ ਡਅਰੀ ਫਾਰਮਰਾਂ ਨੂੰੰ ਪੁਰਜੋਰ ਅਪੀਲ ਹੈ ਕਿ ਉਹ ਆਪਣੇ 
ਡੇਅਰੀ ਫਾਰਮ ਦੇ ਸਫਲ ਮੈਂਬਰ ਬਣਨ ਲਈ ਆਪਣੇ ਨਜਦੀਕੀ ਡੇਅਰੀ ਸਿਖਲਾਈ ਕੇਂਦਰ ਤੋਂ ਡੇਅਰੀ ਉੱਦਮ ਸਿਖਲਾਈ ਜਰੂਰ ਪ੍ਰਾਪਤ ਕਰਨ।
ਵਧੇਰੇ ਜਾਣਕਾਰੀ ਲਈ ਹਰ ਜ਼ਿਲੇ ਦ ਡਿਪਟੀ ਡਾਇਰੈਕਟਰ, 
ਡੇਅਰੀ, ਹਰ ਡਅਰੀ ਸਿਖਲਾਈ ਕਂਦਰ ਦ ਇੰਨਚਾਰਜ ਅਤੇ  ਮੁੱਖ ਦਫਤਰ ਨਾਲ ਸੰਪਰਕ ਕੀਤਾ ਜਾ ਸਕਦਾ ਹੈ ਜਾਂ ਹੈਲਪਲਾਈਨ ਨੰ 0172-2700228 ਉੱਤ ਟੈਲੀਫੋਨ ਕੀਤਾ ਜਾ ਸਕਦਾ ਹੈ।