Wednesday 10th November 2021 at 9:37 PM
ਕੈਨੇਡਾ ਵਿੱਚ ਬਣ ਰਹੀ ਇਹ ਫ਼ਿਲਮ ਨਵੇਂ ਸਾਲ 2022 ਵਿੱਚ ਹੋਵੇਗੀ ਰਿਲੀਜ਼
ਮੋਹਾਲੀ: 10 ਨਵੰਬਰ 2021: (ਗੁਰਜੀਤ ਬਿੱਲਾ//ਪੰਜਾਬ ਸਕਰੀਨ)::
ਪੰਜਾਬੀ ਫ਼ਿਲਮ ਜਗਤ ਦੀ ਦੁਨੀਆਂ ਵਿੱਚ ਇੱਕ ਹੋਰ ਨਵੀਂ ਪੰਜਾਬੀ ਫ਼ਿਲਮ ‘ਛੰਨਾ ਭੰਨ ਕੇ ਬਣਾ ਲਏ ਛੈਣੇ’ ਸ਼ਾਮਿਲ ਹੋ ਜਾ ਰਹੀ ਹੈ। ਅਲਪਾਇਨ ਐਂਡ ਸਿੰਧੂ ਮੋਸਨ ਪਿਕਚਰ ਅਤੇ ਏਸ਼ੀਅਨ ਵਿਜ਼ਨ ਵੱਲੋਂ ਬਣਾਈ ਜਾ ਰਹੀ ਇਹ ਨਵੀਂ ਪੰਜਾਬੀ ਫ਼ਿਲਮ ਕੈਨੇਡਾ ਵਿੱਚ ਬਣਾਈ ਜਾ ਰਹੀ ਇਹ ਬਹੁਤ ਹੀ ਵਧੀਆ ਫ਼ਿਲਮ ਨਵੇਂ ਸਾਲ 2022 ਵਿੱਚ ਪੂਰੀ ਦੁਨੀਆਂ ਦੇ ਦਰਸ਼ਕਾਂ ਦੀ ਕਚਹਿਰੀ ਵਿੱਚ ਪਹੁੰਚ ਜਾਵੇਗੀ। ਫ਼ਿਲਮ ਦੇ ਪ੍ਰੋਡਿਊਸਰ ਗੁਰਦਿਆਲ ਸਿੰਘ ਸਿੰਧੂ, ਦਵਿੰਦਰ ਸਿੰਘ ਤੇ ਦੀਪਕਜੋਤ ਸਿੰਘ ਨੇ ਫ਼ਿਲਮ ਦਾ ਪੋਸਟਰ ਰਿਲੀਜ਼ ਕਰਨ ਮੌਕੇ ਉਕਤ ਜਾਣਕਾਰੀ ਦਿੱਤੀ।
ਉਨ੍ਹਾਂ ਦੱਸਿਆ ਕਿ ਇਹ ਫ਼ਿਲਮ ਬਹੁਤ ਵੱਡੇ ਪੱਧਰ ਦੀ ਹੈ ਜੋ ਕਿ ਕੈਨੇਡਾ ਵਿੱਚ ਬਣਾਈ ਜਾ ਰਹੀ ਹੈ। ਫ਼ਿਲਮ ਦੀ ਸਟਾਰਕਾਸਟ ਬਾਰੇ ਗੱਲ ਕਰਦਿਆਂ ਸ੍ਰ. ਸਿੰਧੂ ਨੇ ਦੱਸਿਆ ਕਿ ਐਕਟਰ ਅਰਸ਼ ਚਾਵਲਾ ਅਤੇ ਮਨਰੀਤ ਸਰਾਂ ਇਸ ਫ਼ਿਲਮ ਦੀ ਮੁੱਖ ਭੂਮਿਕਾ ਵਿੱਚ ਹਨ। ਇਸ ਤੋਂ ਇਲਾਵਾ ਬਾਲ ਕਲਾਕਾਰ ਮਨਰਾਜ ਸਿੰਧੂ ਦੀ ਭੂਮਿਕਾ ਵੀ ਬਾਕਮਾਲ ਦੀ ਹੈ। ਉਨ੍ਹਾਂ ਕਿਹਾ ਕਿ ਜੇਕਰ ਬਾਕੀ ਸਟਾਰ ਕਾਸਟ ਦੀ ਗੱਲ ਕਰੀਏ ਤਾਂ ਫ਼ਿਲਮ ਇੰਡਸਟਰੀ ਦੇ ਵੱਡੇ ਨਾਮ ਮਲਕੀਤ ਰੌਣੀ, ਮੈਡਮ ਨਿਰਮਲ ਰਿਸ਼ੀ, ਮੈਡਮ ਗੁਰਪ੍ਰੀਤ ਭੰਗੂ, ਲਖਵਿੰਦਰ ਸੰਧੂ ਆਦਿ ਵਿਸ਼ੇਸ਼ ਭੂਮਿਕਾ ਵਿੱਚ ਨਜ਼ਰ ਆਉਣਗੇ।
ਉਨ੍ਹਾਂ ਦੱਸਿਆ ਕਿ ਇਸ ਫ਼ਿਲਮ ਨੂੰ ਡਾਇਰੈਕਟ ਕਰ ਰਹੇ ਹਨ ਸ਼ਿਵਮ ਸ਼ਰਮਾ ਜਦਕਿ ਵਿਸ਼ਵਾਨਾਥ ਪ੍ਰਜਾਪਤੀ ਅਤੇ ਡੀ.ਓ.ਪੀ. ਹੋਣਗੇ। ਫ਼ਿਲਮ ਦੀ ਕਹਾਣੀ, ਸਕਰੀਨ ਪਲੇਅ ਤੇ ਡਾਇਲਾਗ ਰਿਸ਼ੀ ਮੱਲ੍ਹੀ ਵੱਲੋਂ ਲਿਖੇ ਗਏ ਹਨ। ਫ਼ਿਲਮ 2022 ਵਿੱਚ ਪੂਰੀ ਦੁਨੀਆਂ ਵਿੱਚ ਰਿਲੀਜ਼ ਹੋ ਜਾਵੇਗੀ।
No comments:
Post a Comment