21st July 2021 at 6:44 PM
ਜੀ ਕੇ ਵੱਲੋਂ ਸੀਨੀਅਰ ਅਕਾਲੀ ਹਰਸਿਮਰਤ ਬਾਦਲ ਨੂੰ ਜ਼ੋਰਦਾਰ ਨਸੀਹਤ
ਨਵੀਂ ਦਿੱਲੀ: 21 ਜੁਲਾਈ 2021 (ਮਨਪ੍ਰੀਤ ਸਿੰਘ ਖਾਲਸਾ//ਪੰਜਾਬ ਸਕਰੀਨ)::
ਸੰਸਦ ਭਵਨ ਵਿੱਚ ਅਕਾਲੀ ਸਾਂਸਦਾਂ ਵੱਲੋਂ 3 ਦਿਨ ਤੋਂ ਕਿਸਾਨਾਂ ਦੇ ਕਥਿਤ ਸਮਰਥਕ ਵਿੱਖਣ ਲਈ ਕੀਤੇ ਜਾ ਰਹੇ ਪ੍ਰਦਰਸ਼ਨਾਂ ਉੱਤੇ ਬੋਲਦੇ ਹੋਏ ਜੀਕੇ ਨੇ ਕਿਹਾ ਕਿ ਸੰਸਦ ਭਵਨ ਤੋਂ 500 ਮੀਟਰ ਦੀ ਦੂਰੀ ਉੱਤੇ ਗੁਰਦੁਆਰਾ ਰਕਾਬਗੰਜ ਸਾਹਿਬ ਵਿੱਚ ਤੁਹਾਡੇ ਪ੍ਰਬੰਧ ਵਿੱਚ ਕਿਸਾਨਾਂ ਨੂੰ ਬੱਚਿਆਂ ਸਹਿਤ ਪੁਲਿਸ ਕੁੱਟਦੀ ਹੈ ਅਤੇ ਹਿਰਾਸਤ ਵਿੱਚ ਲੈਂਦੀ ਹੈ, ਪਰ ਅਕਾਲੀ ਸਾਂਸਦਾਂ ਦੀ ਕਿਸਾਨ ਹਮਦਰਦੀ ਉੱਥੇ ਨਜ਼ਰ ਨਹੀਂ ਆਉਂਦੀ।
ਇਸੇ ਤਰਾਂ ਗੁਰਦੁਆਰਾ ਸੀਸਗੰਜ ਸਾਹਿਬ ਦੇ ਅੱਗੇ ਮੋਟਰ ਗੱਡੀਆਂ ਦੇ ਜਾਣ ਉੱਤੇ ਦਿਨ ਵਿੱਚ ਲੱਗੀ ਰੋਕ ਉੱਤੇ ਬੋਲਣਾ ਅਕਾਲੀ ਸਾਂਸਦਾਂ ਨੂੰ ਰਾਸ ਨਹੀਂ ਆਵੇਗਾ। ਕਿਉਂਕਿ ਦਿੱਲੀ ਕਮੇਟੀ ਪ੍ਰਧਾਨ ਮਨਜਿੰਦਰ ਸਿੰਘ ਸਿਰਸਾ ਨੇ ਇਸ ਮਾਮਲੇ ਉੱਤੇ ਕਮੇਟੀ ਦੇ ਕੋਰਟ ਜਾਣ ਦੇ ਰਸਤੇ ਆਪਣੀ ਬੇਵਕੂਫ਼ੀ ਨਾਲ ਬੰਦ ਕਰ ਲਏ ਹਨ। ਸ਼ਾਇਦ ਸੁਖਬੀਰ ਸਿੰਘ ਬਾਦਲ ਦੇ ਵਿਸ਼ੇਸ਼ ਆਦੇਸ਼ ਉੱਤੇ ਸਿਰਸਾ ਨੇ ਖ਼ੁਦ ਇਹ ਗੋਲ ਕਮੇਟੀ ਉੱਤੇ ਕਰਵਾਇਆ ਹੈ। ਕਿਉਂਕਿ ਗੁਰਦੁਆਰਾ ਸੀਸਗੰਜ ਸਾਹਿਬ ਦੇ ਸਾਹਮਣੇ ਗਾਂਧੀ ਮੈਦਾਨ ਵਾਲੇ ਸਥਾਨ ਉੱਤੇ ਓਮੈਕਸ ਦੀ 2100 ਕਾਰਾਂ ਅਤੇ 81 ਬੱਸਾਂ ਦੀ ਮਲਟੀਲੈਵਲ ਪਾਰਕਿੰਗ ਬਣ ਰਹੀ ਹੈ। ਇਹ ਉਹੀ ਓਮੈਕਸ ਹੈ, ਜਿਨੂੰ ਅਕਾਲੀ ਸਰਕਾਰ ਦੇ ਸਮੇਂ ਮੋਹਾਲੀ ਵਿੱਚ ਨਿਊ ਚੰਡੀਗੜ੍ਹ ਸ਼ਹਿਰ ਵਸਾਉਣ ਲਈ ਸੁਖਬੀਰ ਬਾਦਲ ਨੇ ਵਿਸ਼ੇਸ਼ ਰਿਆਇਤਾਂ ਵੀ ਦਿੱਤੀਆਂ ਸਨ, ਤਾਂਕਿ ਆਪਣਾ ਸੱਤ ਸਿਤਾਰਾ ਸੁਖਬਿਲਾਸ ਹੋਟਲ ਦੇ ਆਸਪਾਸ ਦਾ ਮਾਹੌਲ ਵਿਕਸਿਤ ਹੋ ਸਕੇ। ਇਸ ਲਈ ਇਹ ਪੁਰੀ ਸੰਭਾਵਨਾ ਹੈ ਕਿ ਗੁਰਦੁਆਰਾ ਸੀਸਗੰਜ ਸਾਹਿਬ ਆਉਣ ਵਾਲੀ ਸੰਗਤ ਨੂੰ ਆਪਣੀ ਗੱਡੀ ਇਸ ਓਮੈਕਸ ਦੀ ਪਾਰਕਿੰਗ ਵਿੱਚ ਲਗਾਉਣ ਲਈ ਇਹ ਫਿਕਸ ਮੈਚ ਖੇਡਿਆ ਜਾ ਰਿਹਾ ਹੋਵੇ।
No comments:
Post a Comment