24th May 2021 at 3:28 PM
ਇਕ ਹਜ਼ਾਰ ਬੈਟਰੀ ਸੈੱਲ ਅਤੇ 2050 ਕੋਰੋਨਾ ਤੋਂ ਬਚਾਓ ਕਿੱਟਾਂ ਵੀ ਦਿੱਤੀਆਂ
ਪੰਚਕੂਲਾ: 24 ਮਈ 2021: (ਪੰਜਾਬ ਸਕਰੀਨ ਬਿਊਰੋ)::
ਵਿਸ਼ਵਾਸ ਫਾਉਂਡੇਸ਼ਨ ਨੇ ਗੁਰੁਦੇਵ ਸ਼੍ਰੀ ਸਵਾਮੀ ਵਿਸ਼ਵਾਸ ਜੀ ਦੇ ਆਸ਼ੀਰਵਾਦ ਨਾਲ ਅੱਜ, ਸੋਮਵਾਰ 24 ਮਈ ਨੂੰ 500 ਆਕਸੀਮੀਟਰ, ਇਕ ਹਜ਼ਾਰ ਬੈਟਰੀ ਸੈੱਲ ਅਤੇ 2050 ਕੋਰੋਨਾ ਮੈਡੀਸਨ ਕਿੱਟਾਂ ਪੰਚਕੂਲਾ ਦੇ ਡੀਸੀ ਮੁਕੇਸ਼ ਕੁਮਾਰ ਆਹੂਜਾ ਨੂੰ ਡੋਨੇਟ ਕੀਤੀਆਂ।
ਇਹ ਚੀਜਾਂ ਡੀ ਸੀ ਨੂੰ ਵਿਸ਼ਵਾਸ ਫਾਉਂਡੇਸ਼ਨ ਦੇ ਜਨਰਲ ਸਕੱਤਰ ਸਾਧਵੀ ਨੀਲਿਮਾ ਵਿਸ਼ਵਾਸ, ਸਾਧਵੀ ਸ਼ਕਤੀ ਵਿਸ਼ਵਾਸ, ਰਾਜ ਬਾਂਸਲ, ਇੰਸੀਡੇੰਟ ਕਮਾਂਡਰ ਡਾਕਟਰ ਵਿਸ਼ਾਲ ਸੈਣੀ ਅਤੇ ਸਵਿਤਾ ਅਗਰਵਾਲ, ਸੈਕਟਰੀ ਰੈਡ ਕਰਾਸ ਸੋਸਾਇਟੀ ਪੰਚਕੂਲਾ ਦੀ ਹਾਜ਼ਰੀ ਵਿੱਚ ਦਿੱਤੀਆਂ ਗਈਆਂ।
ਡੀਸੀ ਪੰਚਕੂਲਾ ਮੁਕੇਸ਼ ਕੁਮਾਰ ਆਹੂਜਾ ਨੇ ਜ਼ਿਲ੍ਹਾ ਪ੍ਰਸ਼ਾਸਨ ਨੂੰ ਕੋਰੋਨਾ ਮਹਾਂਮਾਰੀ ਦੀ ਰੋਕਥਾਮ ਲਈ ਵਿਸ਼ਵਾਸ਼ ਫਾਉਂਡੇਸ਼ਨ ਦੇ ਪੱਧਰ ਤੇ ਸਮੇਂ ਸਮੇਂ ਤੇ ਦਿੱਤੀ ਜਾ ਰਹੀ ਸਹਾਇਤਾ ਦੀ ਖੁੱਲ੍ਹ ਕੇ ਸ਼ਲਾਘਾ ਕੀਤੀ। ਉਨ੍ਹਾਂ ਕਿਹਾ ਕਿ ਸਮਾਜਿਕ ਸੰਗਠਨਾਂ ਦੀ ਵੀ ਕੋਰੋਨਾ ਮਹਾਂਮਾਰੀ ਨਾਲ ਨਜਿੱਠਣ ਲਈ ਵੱਖਰੀ ਭੂਮਿਕਾ ਹੋਵੇਗੀ ਅਤੇ ਵਿਸ਼ਵਾਸ ਫਾਉਂਡੇਸ਼ਨ ਨੇ ਹਮੇਸ਼ਾਂ ਦੇਸ਼ ਦੇ ਹਿੱਤ ਵਿੱਚ ਜ਼ਿੰਮੇਵਾਰੀ ਨਿਭਾਈ ਹੈ।ਤੁਹਾਨੂੰ ਦੱਸ ਦੇਈਏ ਕਿ ਇਸ ਤੋਂ ਪਹਿਲਾਂ ਵੀ ਜ਼ਿਲ੍ਹਾ ਪ੍ਰਸ਼ਾਸਨ ਕੋਰੋਨਾ ਮਹਾਂਮਾਰੀ ਤੋਂ ਬਚਣ ਲਈ ਪੰਚਕੂਲਾ ਦੇ ਸਿਵਲ ਹਸਪਤਾਲ ਸਮੇਤ ਪੰਚਕੂਲਾ ਦੀ ਮੰਗ ਅਨੁਸਾਰ ਜਰੂਰੀ ਸਮਾਨ ਦਾਨ ਕਰਦਾ ਆ ਰਿਹਾ ਹੈ।
No comments:
Post a Comment