ਲੱਗਭੱਗ 2/3 ਹਿੱਸੇ ਨੇ ਹਿੱਸਾ ਹੀ ਨਹੀਂ ਲਿਆ !
ਸਾਹਿਤ ਅਕੈਡਮੀ ਪਰਬੰਧਕੀ ਟੀਮ ਦੀ ਦੋ ਸਾਲ ਲਈ ਚੋਣ ਹੋ ਗਈ ! ਚੁਣੇ ਗਏ ਲੋਕਾਂ 'ਚ ਬਹੁਤੇ ਮੇਰੇ ਸਿਆਣੂੰ ਜਾਂ ਮਿੱਤਰ ਹਨ ! ਮੇਰੇ ਵਲੋਂ ਮੁਬਾਰਕਾਂ ਕਬੂਲ ਕਰੋ !
ਉਪਰੰਤ ਬੇਨਤੀ ਇਹ ਹੈ ਕਿ ਚੋਣ ਕੰਪੇਨ ਦੌਰਾਨ ਵੀ ਤੇ ਜਿੱਤਣ ਉਪਰੰਤ ਵੀ ਇੱਕ ਅੱਧ ਨੂੰ ਛੱਡ ਕੇ ਕਿਸੇ ਨੇ ਆਪਣਾ ਚੋਣ ਲੜਨ ਦਾ ਮਨੋਰਥ ਤੇ ਭਵਿੱਖੀ ਖਾਕਾ ਅਪਣੀਆਂ "ਵੋਟਾਂ" ਸਾਹਮਣੇ ਨਹੀਂ ਰੱਖਿਆ !
ਹਰ ਹੀਲੇ ਵਰਤ ਕੇ , ਵੋਟਾਂ ਭੁਗਤਾ ਕੇ ਵਿਰੋਧੀ ਨੂੰ ਭੁਆਂਟਣੀ ਦੇਣ ਦਾ ਪਿੰਡਾਂ ਦੀ ਸਰਪੰਚੀ ਤੇ ਕਬਜ਼ਾ ਕਰਨ ਵਰਗੀ ਮੱਧਵਰਗੀ ਮਾਨਸਿਕਤਾ ਦਾ ਅਹਿਸਾਸ ਹੀ ਹੁੰਦਾ ਰਿਹਾ ! ਉਲਾਰ ਰੀਐਕਸ਼ਨ ਇਸ ਗੱਲ ਦਾ ਪ੍ਰਤੀਕ ਵੀ ਨੇ ਕਿ ਬਹੁਤ ਜ਼ੋਰ ਲੱਗਿਆ ਅਹੁਦੇ ਹਾਸਲ ਕਰਨ ਲਈ !
ਇਹ ਚੋਣ "ਸਾਹਿਤ ਅਕੈਡਮੀ" ਦੀ ਸੀ, ਜਿਸ ਵਿੱਚ ਜਸਵੰਤ ਕੰਵਲ ਤੋਂ ਲੈ ਕੇ ਕਿੰਨੇ ਹੀ ਦੰਤ ਕਥਾਵਾਂ ਵਰਗੇ ਲੋਕਾਂ ਨੇ ਤਿੱਖੜ ਦੁਪਹਿਰ 'ਚ ਹਿੱਸਾ ਲਿਆ ! ਸੋਚਣ ਵਾਲੀ ਗੱਲ ਇਹ ਵੀ ਹੋ ਸਕਦੀ ਹੈ ਕਿ ਲੱਗਭੱਗ 2/3 ਹਿੱਸੇ ਨੇ ਹਿੱਸਾ ਹੀ ਨਹੀਂ ਲਿਆ ! ਕਾਰਨ ਲੱਭੇ ਜਾਣੇ ਬਣਦੇ ਹਨ ! ਇਹ ਸਭ ਵੀ ਤਾਂ ਨਾਮੀ ਗਰਾਮੀ ਸਾਹਿਤਕ ਸਖ਼ਸ਼ੀਅਤਾਂ ਹੋਣਗੀਆਂ !
ਮੈਂ ਚੋਣ ਲੜਨ ਤੇ ਲੜਾਉਣ ਵਾਲੇ ਸਾਰੇ ਮਿੱਤਰਾਂ ਦੇ ਪਹਿਲੇ ਦਿਨ ਤੋਂ ਸਾਰੇ ਕੁਮੈਂਟ/ਵਿਚਾਰ ਬਹੁਤ ਨੀਝ ਨਾਲ ਪੜ੍ਹੇ ਤੱਕੇ ਹਨ ! ਮੈਨੂੰ ਸਰਪੰਚੀ ਕੁੱਟਣ ਵਾਲੀ ਮਾਨਸਿਕਤਾ ਦੇ ਵਾਰ ਵਾਰ ਝਲਕਾਰੇ ਮਿਲਦੇ ਰਹੇ ! ਸਹਿਜਤਾ ਦੀ ਘਾਟ ਵੀ ਰੜਕੀ ! ਇਸ ਤੋਂ ਗੁਰੇਜ਼ ਹੋਣਾ ਚਾਹੀਦਾ ਹੈ !
ਸੁਰਜੀਤ / ਸਿਰਸਾ ਆਦਿ ਚੁਣੇ ਹੋਏ ਲੋਕ ਸਿਆਣੇ ਹਨ ! ਉਹਨਾਂ ਤੋਂ ਬੜੀਆਂ ਆਸਾਂ ਹਨ ! ਦੋ ਸਾਲ ਲਈ ਵਿਉਂਤਬੰਦੀ ਕਰਕੇ ਟੀਮ ਨੂੰ ਸਰਗਰਮ ਕਰੋ ! ਤੁਹਾਥੋਂ ਇਹੀ ਤਵੱਕੋਂ ਹੈ !
ਇਹ ਸਾਡੀ ਅਰਦਾਸ ਹੈ ਨਾ ਕਿ ਆਲੋਚਨਾ !
ਅੱਖਰ ਵਾਧੇ ਘਾਟੇ ਦੀ ਮੁਆਫ਼ੀ ...
ਤੁਹਾਡਾ:
ਤਰਲੋਚਨ ਸਿੰਘ ਸਮਰਾਲਾ
ਚਾਹ ਦਾ ਕੱਪ ਤੱਕ ਵੀ ਅਕਾਦਮੀ ਦੇ ਖਾਤੇ ਵਿਚੋਂ ਨਹੀਂ ਪੀਵਾਂਗਾ--ਮਾਂਗਟ
1. ਸਾਹਿਤ ਅਕਾਦਮੀ ਲਈ ਵਧ ਤੋਂ ਵਧ ਧੰਨ ਜੁਟਾਉਣ ਦੀ ਕੋਸ਼ਿਸ਼ ਕਰਾਂਗਾ
2. ਕੁਝ ਕੁ ਸਾਹਿਤ ਦੋਖੀ ਲੋਕ ਬੈਕ ਡੋਰ ਐਂਟਰੀ ਰਾਹੀਂ ਸਾਹਿਤ ਅਕਾਦਮੀ ਦੀ ਕਾਰਜਕਾਰਨੀ ਵਿੱਚ ਆ ਧਮਕਦੇ ਹਨ ਅਤੇ ਸਾਹਿਤ ਅਕਾਦਮੀ ਦੇ ਅਕਸ ਨੂੰ ਖੋਰਾ ਲਾਉਂਦੇ ਹਨ ... ਇਨਾਂ ਲੋਕਾਂ ਦਾ ਠੋਕ ਕੇ ਵਿਰੋਧ ਕਰਾਂਗਾ ਅਤੇ ਜਿਥੋਂ ਤੱਕ ਹੋ ਸਕਿਆ ਨਾਲ ਦੇ ਸਾਥੀਆਂ ਨੂੰ ਵੀ ਪ੍ਰੇਰਤ ਕਰਾਂਗਾ
3. ਪੰਜਾਬੀ ਸਾਹਿਤ ਅਕਾਦਮੀ ਵਿੱਚ ਆ ਕੇ ਚਾਹ ਦਾ ਕੱਪ ਤੱਕ ਵੀ ਅਕਾਦਮੀ ਦੇ ਖਾਤੇ ਵਿਚੋਂ ਨਹੀਂ ਪੀਵਾਂਗਾ ਅਤੇ ਜਦੋਂ ਵੀ ਅਕਾਦਮੀ ਆਇਆ ਨਹਾ ਕੇ ਅਤੇ ਦਾਤਨ ਮੰਜਨ ਕਰ ਕੇ ਆਵਾਂਗਾ।
ਧੰਨਵਾਦ
ਮਨਜੀਤ ਇੰਦਰਾ ਨੇ ਸਮਝੀ ਕੇਂਦਰੀ ਲੇਖਕ ਸਭਾ ਦੀ ਚੋਣ?
ਕੁਝ ਹੋਰਨਾਂ ਵਾਂਗ ਮਨਜੀਤ ਇੰਦਰਾ ਕੁਝ ਚਿੰਤਿਤ ਅਤੇ ਘਬਰਾਈ ਜਿਹੀ ਲੱਗਦੀ ਸੀ। ਮੈਂ ਉਸਨੂੰ ਪਹਿਲਾਂ ਕਦੇ ਇਸਤਰਾਂ ਨਹੀਂ ਦੇਖਿਆ। ਮੈਂ ਅੱਖਾਂ ਮਲੀਆਂ ਸੋਚਿਆ ਮੋਤੀਏ ਕਰਕੇ ਕਿਸੇ ਹੋਰ ਨੂੰ ਤਾਂ ਨਹੀਂ ਮਨਜੀਤ ਨਹੀਂ ਸਮਝ ਲਿਆ? ਮੈਂ ਸੋਚਿਆ ਅੰਦਰਲੇ ਸ਼ਾਟ ਲੈ ਆਵਾਂ ਆ ਕੇ ਗੱਲ ਕਰਦਾਂ ਪਰ ਗੱਲ ਨਹੀਂ ਹੋ ਸਕੀ। ਅਗਲੇ ਦਿਨ ਚੋਣ ਨਤੀਜਿਆਂ ਬਾਰੇ ਟਿੱਪਣੀਆਂ ਪੜ੍ਹੀਆਂ----ਮਨਜੀਤ ਇੰਦਰਾ ਵੱਲੋਂ ਆਪਣੇ ਸੁਨੇਹੇ ਵਿੱਚ ਲਿਖਿਆ ਸੀ--ਕੇਂਦਰੀ ਲੇਖਕ ਸਭਾ ਦੀ ਨਵੀਂ ਚੁਣੀ ਗਈ ਟੀਮ ਨੂੰ ਬਹੁਤ ਬਹੁਤ ਮੁਬਾਰਕਾਂ। ਆਪ ਸਭ ਦੀਆਂ ਜਿੰਮੇਵਾਰੀਆਂ ਬਹੁਤ ਵਧ ਗਈਆਂ ਨੇਪੰਜਾਬੀ ਭਾਸ਼ਾ ਤੇ ਵਿਰਸੇ ਲਈ ਬਹੁਤ ਕੰਮ ਪਏ ਨੇ ਕਰਨ ਵਾਲੇ ਤੁਹਾਡੇ ਸਭਨਾਂ ਤੋਂ ਬੜੀਆਂ ਆਸਾਨ ਉਮੀਦਾਂ ਨੇ ਜੀ। ਇੱਕ ਵਾਰ ਫੇਰ ਮੁਬਾਰਕਾਂ। -
ਮੈਂ ਜੋ ਦੋ ਸਾਲਾਂ 'ਚ ਦੇਖਿਆ ਉਸਨੇ ਮੈਨੂੰ ਝੰਜੋੜਿਆ ਹੈ--ਸਹਿਜਪ੍ਰੀਤ ਮਾਂਗਟ
ਦੀਪ ਜਗਦੀਪ ਨੇ ਵੀ ਕੀਤਾ ਵਿਸ਼ੇਸ਼ ਉਪਰਾਲਾ
ਲਫ਼ਜ਼ਾਂ ਦਾ ਪੁਲ ਰਾਹੀਂ ਅਸੀਂ ਲਗਾਤਾਰ ਪੰਜਾਬੀ ਸਾਹਿਤ ਅਤੇ ਸਭਿਆਚਾਰ ਦੇ ਵਰਤਾਰਿਆਂ ਬਾਰੇ ਸੰਵਾਦ ਰਚਾਉਂਦੇ ਆ ਰਹੇ ਹਾਂ। ਸਾਹਿਤਕ ਸੰਸਥਾਵਾਂ ਅਤੇ ਉਨ੍ਹਾਂ ਦੀਆਂ ਚੋਣਾਂ ਵਿਚ ਸੁਧਾਰ ਸੰਬੰਧੀ ਵੀ ਅਸੀਂ 2008 ਤੋਂ ਸੰਵਾਦ ਛੇੜਿਆ ਹੋਇਆ ਹੈ। ਇਸੇ ਲੜੀ ਵਿਚ 17 ਅਪ੍ਰੈਲ 2016 ਨੂੰ ਪੰਜਾਬੀ ਭਵਨ ਲੁਧਿਆਣਾ ਵਿਖੇ ਹੋਈ ਪੰਜਾਬੀ ਸ਼ਾਹਿਤ ਅਕਾਡਮੀ ਦੀ ਚੋਣ 'ਤੇ ਕੇਂਦਰਿਤ ਅਸੀਂ ਇਕ ਦੋ ਵਰਕਿਆਂ ਦਾ ਪਰਚਾ 'ਲਫ਼ਜ਼ਾਂ ਦਾ ਪੁਲ-ਸਾਹਿਤ ਅਤੇ ਸਭਿਆਚਾਰ ਦਾ ਸੂਚਨਾ ਪੱਤਰ' ਦੇ ਨਾਂ ਹੇਠ ਛਾਪ ਕੇ ਜਾਰੀ ਕਿਤਾ ਗਿਆ।
Deep Jagdeep Singh ਸਭ ਤੋਂ ਯਾਦਗਾਰ ਪਲ ੳੁਹ ਸੀ ਜਿਸ ਵੇਲੇ ੲਿਕ ਸੱਜਣ ਨੇ ਪੜ੍ਹਦਿਅਾਂ ਸਾਰ ਮੈਨੂੰ ਦਿਖਾ ਕੇ ਪਰਚਾ ਪਾੜ ਕੇ ਸੁੱਟ ਦਿੱਤਾ।
ਇਹ ਚੋਣ ਸੀ, ਜੰਗ ਨਹੀਂ--ਜਿੱਤ ਸ਼ਬਦ ਵਾਜਬ ਨਹੀਂ--ਗੁਰਭਜਨ ਗਿੱਲ
ਇਹ ਚੋਣ ਸੀ, ਜੰਗ ਨਹੀਂ। ਜਿੱਤ ਸ਼ਬਦ ਵਾਜਬ ਨਹੀਂ।
ਚੋਣ ਮੁਬਾਰਕ।
ਜਿਹੜੇ ਦੋਸਤ ਨਹੀਂ ਚੁਣੇ ਗਏ , ਉਹ ਵੀ ਜ਼ੁੰਮੇਵਾਰੀਆਂ ਸਾਂਭਣ।
ਭਾਸ਼ਾ ਤੇ ਸਾਹਿੱਤ ਵਿਕਾਸ ਲੰਮੀ ਜੰਗ ਹੈ।
ਇਸ ਚ ਸਭ ਸਿਰ ਜੁੜਨੇ ਜ਼ਰੂਰੀ ਹਨ।
ਗੁਰਭਜਨ ਗਿੱਲ
ਸਾਬਕਾ ਪ੍ਰਧਾਨ
ਪੰਜਾਬੀ ਸਾਹਿੱਤ ਅਕਾਡਮੀ
ਲੁਧਿਆਣਾ
81463 29999
-----------------------------------------------------
ਇਹ ਹੇਠਾਂ ਦਿੱਤੇ ਲਿੰਕ ਵੀ ਜਰੂਰ ਕਲਿੱਕ ਕਰ ਕੇ ਦੇਖੋ--
ਇਹ ਹੇਠਾਂ ਦਿੱਤੇ ਲਿੰਕ ਵੀ ਜਰੂਰ ਕਲਿੱਕ ਕਰ ਕੇ ਦੇਖੋ--
No comments:
Post a Comment