Sender On Monday 13th April at 11:08 AM Regarding Medical Camp at Rishi Nagar
ਫਰੀ ਕੈਂਪ ਲਗਾਉਣੇ ਚੰਗੀ ਗੱਲ, ਪਰ ਅਸਲ ਵਿੱਚ ਇਹ ਜ਼ਿੰਮੇਵਾਰੀ ਸਰਕਾਰ ਦੀ-ਡਾ. ਮਿੱਤਰਾ
ਲੁਧਿਆਣਾ: 13 ਅਪ੍ਰੈਲ 2026: (ਮੀਡੀਆ ਲਿੰਕ//ਪੰਜਾਬ ਸਕਰੀਨ ਡੈਸਕ)::
ਸਾਥੀ ਤੇਜਾ ਸਿੰਘ ਸੁਤੰਤਰ ਲੋਕ ਚੇਤਨਾ ਮੰਚ ਲੁਧਿਆਣਾ ਵੱਲੋਂ ਇੱਥੇ ਵਾਰਡ ਨੰਬਰ 64, ਰਿਸ਼ੀ ਨਗਰ ਵਿਖੇ ਫਰੀ ਮੈਡੀਕਲ ਚੈੱਕ ਅੱਪ ਕੈਂਪ ਲਗਾਇਆ ਗਿਆ। ਜਿਸ ਵਿੱਚ ਨੱਕ ਕੰਨ ਗਲੇ ਦੇ ਮਾਹਰ ਡਾਕਟਰ ਅਰੁਣ ਮਿੱਤਰਾ ਅਤੇ ਡਾਕਟਰ ਰੂਬਲਦੀਪ ਕੌਰ ਅਤੇ ਜਨਰਲ ਪ੍ਰੈਕਟੀਸ਼ਨਰ ਡਾਕਟਰ ਰਮਨਦੀਪ ਨੇ ਕੈਂਪ ਵਿੱਚ ਆਏ 126 ਮਰੀਜ਼ਾਂ ਦਾ ਚੈਕ ਅੱਪ ਕੀਤਾ। ਇਹ ਕੈਂਪ ਸਾਥੀ ਤੇਜਾ ਸਿੰਘ ਸੁਤੰਤਰ ਦੀ 53ਵੀਂ ਬਰਸੀ ਤੇ ਉਹਨਾਂ ਨੂੰ ਯਾਦ ਕਰਦਿਆਂ ਅਤੇ ਡਾ ਬੀ ਆਰ ਅੰਬੇਦਕਰ ਦੇ ਜਨਮ ਦਿਹਾੜੇ ਨੂੰ ਸਮਰਪਿਤ ਵਾਰਡ ਨੰਬਰ 62 ਅਤੇ 64 ਦੇ ਲੋਕਾਂ ਦੇ ਸਹਿਯੋਗ ਨਾਲ ਲਗਾਇਆ ਗਿਆ ਸੀ।
ਕੈਂਪ ਸ਼ੁਰੂ ਕਰਨ ਤੋਂ ਪਹਿਲਾਂ ਡਾਕਟਰ ਅਰੁਣ ਮਿੱਤਰਾ ਨੇ ਫੈਲ ਰਹੀਆਂ ਬਿਮਾਰੀਆਂ ਦੇ ਮਾਹੌਲ ਵਿੱਚ ਆਪਣੀ ਸਿਹਤ ਨੂੰ ਠੀਕ ਰੱਖਣ ਦੇ ਕੁਝ ਉਪਾਅ ਦੱਸੇ ਅਤੇ ਇਹ ਵੀ ਦੱਸਿਆ ਕਿ ਬਹੁਤ ਸਾਰੇ ਦੇਸ਼ਾਂ ਵਿੱਚ ਸਿਹਤ ਸੇਵਾਵਾਂ ਉਥੋਂ ਦੇ ਨਾਗਰਿਕਾਂ ਲਈ ਮੁਫ਼ਤ ਦਿੱਤੀਆਂ ਜਾਂਦੀਆਂ ਹਨ। ਉਨਾਂ ਕਿਹਾ ਕਿ ਬਹੁਤ ਸਾਰੇ ਲੋਕ ਬਿਮਾਰੀਆਂ ਦੇ ਇਲਾਜ ਦੇ ਖਰਚੇ ਕਾਰਨ ਹੀ ਗਰੀਬੀ ਰੇਖਾ ਤੋਂ ਹੇਠਾਂ ਧੱਕੇ ਜਾ ਰਹੇ ਹਨ ਇਸ ਕਰਕੇ ਸੂਬਾ ਸਰਕਾਰ ਅਤੇ ਕੇਂਦਰ ਸਰਕਾਰ ਨੂੰ ਆਪਣੇ ਬਜਟ ਵਿੱਚ ਸਿਹਤ ਸੇਵਾਵਾਂ ਲਈ ਜਿਆਦਾ ਫੰਡ ਰੱਖਣੇ ਚਾਹੀਦੇ ਹਨ।
ਕੈਂਪ ਦਾ ਉਦਘਾਟਨ ਵਾਰਡ ਨੰਬਰ 64 ਦੇ ਕੌਂਸਲਰ ਸ੍ਰੀਮਤੀ ਇੰਦੂ ਮੁਨੀਸ਼ ਸ਼ਾਹ ਨੇ ਕੀਤਾ। ਆਪ ਆਗੂ ਮੁਨੀਸ਼ ਸ਼ਾਹ ਨੇ ਸਰਕਾਰ ਵੱਲੋਂ ਚਲਾਏ ਜਾ ਰਹੇ ਆਮ ਆਦਮੀ ਕਲੀਨਿਕ ਜੋ ਕਪਿਲ ਪਾਰਕ ਵਿੱਚ ਖੁੱਲਿਆ ਹੈ , ਅਪੀਲ ਕੀਤੀ ਕਿ ਉਸ ਦਾ ਫਾਇਦਾ ਲਿਆ ਜਾਵੇ। ਸਭ ਤੋਂ ਪਹਿਲਾਂ ਇਸ ਕੈਂਪ ਦੇ ਆਯੋਜਕ ਐਮ ਐਸ ਭਾਟੀਆ ਅਤੇ ਰਣਧੀਰ ਸਿੰਘ ਧੀਰਾ ਨੇ ਸਾਰਿਆਂ ਨੂੰ ਜੀ ਆਇਆਂ ਕਿਹਾ। ਜਥੇਬੰਦਕ ਕਮੇਟੀ ਦੇ ਮੈਂਬਰਾਂ ਜਿਹਨਾਂ ਵਿੱਚ ਸੰਜੀਵ ਸ਼ਰਮਾ,ਸੁਰਜੀਤ ਸਿੰਘ,ਮੁੰਨਾ ਕਮਲੇਸ਼,ਅਵਤਾਰ ਛਿੱਬੜ,ਨਰੇਸ਼ ਗੌੜ,ਰੋਹਿਤ ਮੰਗੂ,ਰਜਿੰਦਰ,ਪ੍ਰਮੋਦ ਕੁਮਾਰ,ਸੁਸ਼ੀਲ ਅਗਰਵਾਲ,ਜਸਵਿੰਦਰ ਸਿੰਘ,ਜਸਰਾਮ ਜੋਸ਼ੀ,ਵਿਸ਼ਾਲ,ਸੁਰਿੰਦਰ ਕੁਮਾਰ,ਪੁਨੀਤ ਛਾਬੜਾ,ਸ਼ਿਵ ਕੁਮਾਰ,ਭਰਪੂਰ ਸਿੰਘ,ਸੁਨੀਲ ਸ਼ਰਮਾ,ਸੁਰਜੀਤ ਸਿੰਘ,ਬਿੱਟੂ Y ਬਲਾਕ,ਗੁਰਦੇਵ Y ਬਲਾਕ,ਲਾਲ ਬਾਬੂ ਪੀਏਯੂ, ਕੁਲਵੰਤ ਕੌਰ ਅਤੇ ਅਨਿਲ ਕੁਮਾਰ ਸ਼ਾਮਿਲ ਸਨ, ਨੇ ਪੂਰੇ ਤਨ ਮਨ ਨਾਲ ਕੈਂਪ ਦੌਰਾਨ ਮਰੀਜ਼ਾਂ ਦੀ ਸੇਵਾ ਕੀਤੀ ਅਤੇ ਮਰੀਜ਼ਾਂ ਨੂੰ ਫਰੀ ਦਵਾਈਆਂ ਦਿੱਤੀਆਂ ਗਈਆਂ ਜੋ ਜੈਨ ਪਰਿਵਾਰ ਨੇ ਕੈਂਪ ਲਈ ਦਿੱਤੀਆਂ ਸਨ। ਕੈਂਪ ਲਈ ਚਾਹ ਪਾਣੀ ਦੀ ਸੇਵਾ ਕੁਲਦੀਪ ਸਿੰਘ, ਜਸਵਿੰਦਰ ਅਤੇ ਬਿੱਟੂ ਨੇ ਕੀਤੀ।
ਇਸ ਕੈਂਪ ਦਾ ਫਾਇਦਾ ਜਿਥੇ ਇਸ ਇਲਾਕੇ ਦੇ ਲੋਕਾਂ ਨੇ ਲਿਆ ਉਥੇ ਆਲੇ ਦੁਆਲੇ ਦੇ ਬਹੁਤ ਸਾਰੇ ਇਲਾਕਿਆਂ ਵਿੱਚ ਰਹਿੰਦੇ ਬਹੁਤ ਸਾਰੇ ਲੋਕਾਂ ਨੇ ਵੀ ਇਸਦਾ ਲਾਹਾ ਲਿਆ।
No comments:
Post a Comment