ਇਸ ਰੇਲਵੇ ਲਾਈਨ 'ਤੇ ਮਹੂਆ ਸਟੇਸ਼ਨ ਨੇਡ਼ੇ ਪੈਂਦੇ ਮਾਨਵ ਰਹਿਤ ਫਾਟਕ 'ਤੇ ਅੱਜ ਇਕ ਪੈਸੰਜਰ ਟ੍ਰੇਨ ਦੀ ਲਪੇਟ 'ਚ ਆ ਕੇ ਸਕੂਲ ਬੱਸ ਵਿੱਚ ਸਵਾਰ ਘੱਟੋ-ਘੱਟ 15 ਬੱਚੇ ਜ਼ਖਮੀ ਹੋ ਗਏ. ਪ੍ਰਾਪਤ ਵੇਰਵੇ ਮੁਤਾਬਿਕ ਇਹ ਟ੍ਰੇਨ ਫਿਲੌਰ ਵੱਲ ਨੂੰ ਜਾ ਰਹੀ ਸੀ ਅਤੇ ਹਾਦਸੇ ਦਾ ਸ਼ਿਕਾਰ ਹੋਈ ਬੱਸ ਵਿਦਿਆਰਥੀਆਂ ਨੂੰ ਸਕੂਲ ਤੋਂ ਲੈ ਕੇ ਫਾਟਕ ਪਾਰ ਕਰ ਰਹੀ ਸੀ. ਇੰਨੇ 'ਚ ਹੀ ਅਚਾਨਕ ਤੇਜ਼ ਰਫਤਾਰ ਆ ਰਹੀ ਪੈਸੰਜਰ ਟ੍ਰੇਨ ਇਸ ਸਕੂਲ ਬੱਸ ਨੂੰ ਘਡ਼ੀਸਦੀ ਹੋਈ ਕਾਫੀ ਦੂਰ ਤੱਕ ਲੈ ਗਈ. ਇਸ ਹੌਲਨਾਕ ਹਾਦਸੇ ਦੌਰਾਨ ਉਸ 'ਚ ਸਵਾਰ ਬੱਚੇ ਜ਼ਖਮੀ ਹੋ ਗਏ. ਉਨ੍ਹਾਂ 'ਚ ਕੁਝ ਦੀ ਹਾਲਤ ਗੰਭੀਰ ਦੱਸੀ ਜਾ ਰਹੀ ਹੈ.ਹੋਰ ਵੇਰਵੇ ਦੀ ਉਡੀਕ ਜਾਰੀ ਹੈ. ਹੁਣ ਦੇਖਣਾ ਇਹ ਹੈ ਕਿ ਤਕਨਾਲੌਜੀ ਦੇ ਇਸ ਆਧੁਨਿਕ ਯੁਗ ਵਿੱਚ ਵੀ ਅਜਿਹੇ ਹਾਦਸੇ ਕਦੋਂ ਤੱਕ ਜਾਰੀ ਰਹਿੰਦੇ ਹਨ. ਬਿਊਰੋ ਰਿਪੋਰਟ
ਫਾਈਲ ਫੋਟੋ 
No comments:
Post a Comment