"ਜੇਕਰ ਲੈਣਾ ਹੈ ਮੇਰੇ ਖੰਭਾਂ ਦਾ ਇਮਤਹਾਨ ਤਾਂ ਅਕਾਸ਼ ਨੂੰ ਕਹੋ ਥੋਡ਼ਾ ਹੋਰ ਉੱਚਾ ਹੋ ਜਾਏ"। ਇਨਸਾਨ ਕੁਦਰਤ ਦੀ ਸੱਭ ਤੋਂ ਵਧੀਆ ਰਚਨਾ ਹੈ। ਰੱਬ ਨੇ ਇਸ ਨੂੰ ਇਸ ਤਰ੍ਹਾਂ ਹੀ ਬਣਾਇਆ ਹੈ ਕਿ ਇਹ ਕੁਝ ਵੀ ਕਰ ਸਕਦਾ ਹੈ। ਜੇ ਇਨਸਾਨ ਚਾਹੇ ਤਾਂ ਦੁਨੀਆਂ ਦਾ ਵੱਡੇ ਤੋਂ ਵੱਡਾ ਕੰਮ ਸਹੀ ਸੋਚ, ਲਗਾਤਾਰ ਕੋਸ਼ਿਸ਼ ਤੇ ਬੁਲੰਦ ਹੌਂਸਲੇ ਨਾਲ਼ ਕਰ ਸਕਦਾ ਹੈ ਪਰ ਸਾਡੀ ਆਦਤ ਇਹ ਹੈ ਕਿ ਜੇ ਕੋਈ ਮੁਸ਼ਕਿਲ ਕੰਮ ਆ ਜਾਏ ਤਾਂ ਅਸੀਂ ਕਹਿੰਦੇ ਹਾਂ ਕਿ ਯਾਰ ਇਹ ਤਾਂ ਹੋ ਹੀ ਨਹੀਂ ਸਕਦਾ। ਕੋਸ਼ਿਸ਼ ਤਾਂ ਕਰੋ! ਜੇ ਪਹਿਲੀ ਕੋਸ਼ਿਸ਼ ਸਫ਼ਲ ਨਹੀਂ ਹੁੰਦੀ ਤਾਂ ਦੁਬਾਰਾ ਵਿਓਂਤ ਬਣਾ ਕੇ ਫੇਰ ਕੋਸ਼ਿਸ਼ ਕਰੋ। ਵਿਓਂਤਾਂ ਬਣਾਉਂਦੇ ਜਾਉ,ਕੋਸ਼ਿਸ਼ਾਂ ਕਰਦੇ ਜਾਉ,ਕਾਮਯਾਬੀ ਜਰੂਰ ਤੁਹਾਡੇ ਕਦਮ ਚੁੰਮੇਗੀ। ਦੁਨੀਆ ਦਾ ਮਹਾਨ ਵਿਗਿਆਨੀ 'ਥੋਮਸ ਐਡੀਸਨ' ਵੀ ਆਪਣੀ ਮਸ਼ਹੂਰ ਖੋਜ 'ਬਲਬ ਦੀ ਕਾਢ' ਤੋਂ ਪਹਲਾਂ ਸੈਕਡ਼ੇ ਵਾਰੀ ਅਸਫ਼ਲ ਰਿਹਾ।

ਮਨੁੱਖ ਦਾ ਸਫ਼ਲ ਹੋਣਾ ਉਸ ਦੀ ਕਿਸਮਤ ਤੇ ਨਹੀਂ ਉਸ ਦੇ ਕਰਮਾ ਤੇ ਸੂਝ-ਬੂਝ ਤੇ ਨਿਰਭਰ ਕਰਦਾ ਹੈ। ਸੂਝ-ਬੂਝ ਨੂੰ ਹੀ ਲੋਕਾਂ ਨੇ ਕਿਸਮਤ ਦਾ ਨਾਮ ਦੇ ਕੇ ਬਹੁਤਿਆਂ ਨੂੰ ਗੁੰਮਰਾਹ ਕਰ ਛੱਡਿਆ ਹੈ। ਅਸਲ ਵਿੱਚ ਕਾਮਯਾਬੀ ਦੀ ਸੁਰੂਆਤ ਮਨੁੱਖ ਦੀ ਸੋਚ ਤੋਂ ਹੀ ਹੁੰਦੀ ਹੈ। ਜਿਸ ਇਨਸਾਨ ਨੇ ਵੀ ਸਫ਼ਲਤਾ ਹਾਸਿਲ ਕੀਤੀ ਹੈ ਉਹ ਅਸਲ ਵਿੱਚ ਕੁਝ ਨਹੀਂ ਸੀ ਜਾਣਦਾ, ਸਵਾਏ ਇਹਦੇ ਕਿ ਉਸਨੇ ਉਸ ਨੇ ਸਫਲਤਾ ਹਾਸਿਲ ਕਰਨੀ ਹੈ'।
ਫੋਰਡ ਕੰਪਨੀ ਦਾ ਮਾਲਕ 'ਹੈਨਰੀ ਫੋਰਡ' ਆਪਣੀ ਬਣਾਈ ਪਹਿਲੀ ਗੱਡੀ ਵਿੱਚ 'ਬੈਕ ਗੇਅਰ ਤੇ ਬਰੇਕਾਂ' ਪਉਣਾ ਹੀ ਭੁੱਲ ਗਿਆ ਸੀ ਪਰ ਕੀ ਉਸ ਨੇ ਹਾਰ ਮੰਨੀ? ਨਹੀਂ ਉਸ ਨੇ ਆਪਣੀ ਗਲਤੀ ਤੋਂ ਸਿੱਖਿਆ ਤੇ ਹੁਣ ਫੋਰਡ ਕੰਪਨੀ ਦੁਨੀਆਂ ਦੀਆਂ ਸਿਖਰਲੀਆਂ ਕੰਪਨੀਆਂ ਵਿੱਚ ਗਿਣੀ ਜਾਂਦੀ ਹੈ।

ਇਨਸਾਨ ਚਾਹੇ ਤਾਂ ਮਾਰੂਥਲ ਨੂੰ ਹਰਿਆਲੀ ਭਰਿਆ ਕਰ ਸਕਦਾ ਹੈ। ਹਵਾ ਦੀ ਦਿਸ਼ਾ ਮੋਡ਼ ਸਕਦਾ ਹੈ। ਲਾਇਲਾਜ ਬਮਾਰੀਆ ਦਾ ਇਲਾਜ ਕਰ ਸਕਦਾ ਹੈ ।
ਜੇ 'ਇੰਜੀਨੀਅਰ ਗਿਆਸਪੁਰਾ' ਛੱਬੀ ਸਾਲ ਪੁਰਾਣੀ ਸਿੱਖਾਂ ਦੇ ਕਤਲੇਆਮ ਦੀ ਕਹਾਣੀ ਲਿਖ ਕੇ ਲੋਕਾਂ ਨੂੰ ਜਗਾ ਸਕਦਾ ਹੈ, 'ਅੰਨਾ ਹਜਾਰੇ' ਭਰਸਿਟ ਸਮਾਜ ਨੂੰ ਬਦਲਣ ਲਈ ਸਰਕਾਰ ਨੂੰ ਪੁੱਠੇ ਗੇਡ਼ੇ ਦੁਆ ਸਕਦਾ ਹੈ, ਅਤੇ ਪੋਲੀਓ ਪੀਡ਼ਤ 'ਵਲਿਮਾ ਰਡੋਲਫ' ਓਲੰਪਿਕ ਖੇਡਾਂ ਵਿੱਚ ਤਿੰਨ ਸੋਨ ਤਮਗੇ ਜਿੱਤ ਸਕਦੀ ਹੈ। ਚਾਰ ਫੁੱਟ ਦਸ ਇੰਚ ਦਾ 'ਲਾਲ ਬਹਾਦਰ ਸ਼ਾਸਤਰੀ' ਜੇ ਗਰੀਬੀ ਨੂੰ ਹਰਾ ਕੇ ਭਾਰਤ ਦਾ ਪ੍ਰਧਾਨ ਮੰਤਰੀ ਬਣ ਸਕਦਾ ਹੈ। ਮੰਜਿਆਂ ਦੀਆ ਚੂਲ਼ਾਂ ਠੀਕ ਕਰਨ ਵਾਲ਼ਾ 'ਗਿਆਨੀ ਜ਼ੈਲ ਸਿੰਘ ਰਾਸਟਰਪਤੀ ਬਣ ਸਕਦਾ ਹੈ ਤਾਂ ਇਨਸਾਨ ਕੀ ਨਹੀਂ ਕਰ ਸਕਦਾ। ਕੋਸ਼ਿਸ਼ ਕਰੋ ਤੁਸੀ ਸੱਭ ਕੁਝ ਕਰ ਲਵੋਂਗੇ। 'ਇੰਮਪੋਸੀਬਲ' ਦਾ ਮਤਲਬ 'ਆਈ ਐਮ ਪੋਸੀਬਲ' ਹੁੰਦਾ ਹੈ ਨਾ ਕਿ ਇਮਪੌਸੀਬਲ'।
--ਸੁੱਖਨਧਾਨ ਸਿੰਘ
ਮੋਬਾਇਲ ਨੰਬਰ: 09855301699
ਕਲਾਸ = 10+1
ਕੈਪਟਨ ਭਗਤ ਸਿੰਘ ਹਾਊਸ
ਗੁਰੂ ਨਾਨਕ ਪਬਲਿਕ ਸਕੂਲ, ਸਰਾਭਾ ਨਗਰ.
ਲੁਧਿਆਣਾ।
ਕੈਪਟਨ ਭਗਤ ਸਿੰਘ ਹਾਊਸ
ਗੁਰੂ ਨਾਨਕ ਪਬਲਿਕ ਸਕੂਲ, ਸਰਾਭਾ ਨਗਰ.
ਲੁਧਿਆਣਾ।
ਨੋਟ: ਸਕੂਲ ਕੰਪੀਟੀਸ਼ਨ ਵਿੱਚ ਇਨਾਮ ਜੇਤੂ ਰਚਨਾ ।
1 comment:
VERY GOOD ARTICLE
Post a Comment