"ਲਿਵਰ ਬਚਾਓ, ਜੀਵਨ ਬਚਾਓ" ਬਾਰੇ ਦਿੱਤੀ ਮਾਹਰਾਂ ਨੇ ਵਿਸ਼ੇਸ਼ ਜਾਣਕਾਰੀ

 ਜਿਗਰ ਨੂੰ ਦਰਪੇਸ਼ ਵੱਖ ਵੱਖ ਖਤਰਿਆਂ ਬਾਰੇ ਸੁਚੇਤ ਕੀਤਾ  

ਲੁਧਿਆਣਾ: 6 ਨਵੰਬਰ 2021: (ਪੰਜਾਬ ਸਕਰੀਨ ਬਿਊਰੋ)::

ਪਿਛਲੇ ਦਹਾਕੇ ਵਿੱਚ, ਫੈਟੀ ਲਿਵਰ, ਅਲਕੋਹਲ ਅਤੇ ਨਸ਼ੀਲੇ ਪਦਾਰਥਾਂ ਦੀ ਦੁਰਵਰਤੋਂ ਅਤੇ ਹੈਪੇਟਾਈਟਸ ਸੀ (ਕਾਲਾ ਪੀਲੀਆ) ਸੰਕਰਮਣ ਦੀ ਉੱਚ ਦਰ ਨਾਲ ਮੋਟਾਪੇ ਅਤੇ ਸ਼ੂਗਰ ਦੇ ਮਰੀਜ਼ਾਂ ਦੇ ਵੱਡੇ ਬੋਝ ਕਾਰਨ ਪੰਜਾਬ ਦੇ ਖੇਤਰ ਵਿੱਚ ਜਿਗਰ ਦੀ ਬਿਮਾਰੀ ਫੈਲ ਰਹੀ ਹੈ  ਜਿਗਰ ਦੀ ਬਿਮਾਰੀ ਵਧਣ ਨਾਲ ਲੀਵਰ ਸਿਰੋਸਿਸ, ਲੀਵਰ ਫੇਲੀਅਰ ਅਤੇ ਜਿਗਰ ਦੇ ਕੈਂਸਰ ਦਾ ਕਾਰਨ ਬਣਦੀ ਹੈ ਜਿਸ ਨਾਲ ਅਚਨਚੇਤੀ ਮੌਤ ਵੀ ਹੋ ਸਕਦੀ ਹੈ। ਅਜਿਹੇ ਮਰੀਜ਼ਾਂ ਵਿੱਚ ਲੰਬੇ ਸਮੇਂ ਲਈ ਬਚਣ ਦੀ ਉਮੀਦ ਦੀ ਇੱਕੋ ਇੱਕ ਕਿਰਨ ਲਿਵਰ ਟ੍ਰਾਂਸਪਲਾਂਟੇਸ਼ਨ ਹੈ।

ਪੰਜਾਬ ਵਿੱਚ ਢੁਕਵੀਂਆਂ ਲਿਵਰ ਟਰਾਂਸਪਲਾਂਟ ਸੇਵਾਵਾਂ ਦੀ ਘਾਟ ਕਾਰਨ, ਏਜੀਆਈ-ਦਿ ਗੈਸਟਰੋਸੀਟੀ,ਲੁਧਿਆਣਾ ਨੇ ਲੋੜਵੰਦ ਲੋਕਾਂ ਨੂੰ ਵਧੀਆ ਸਿਹਤ ਸੇਵਾਵਾਂ ਪ੍ਰਦਾਨ ਕਰਨ ਦੇ ਆਪਣੇ ਵਾਅਦੇ ਨੂੰ ਨਿਭਾਉਂਦੇ ਹੋਏ ਜੇਪੀ ਹਸਪਤਾਲ (ਨੋਇਡਾ) ਨਾਲ ਮਿਲ ਕੇ  ਪਹਿਲ ਕੀਤੀ ਅਤੇ ਫਰਵਰੀ 2021 ਵਿੱਚ ਲੁਧਿਆਣਾ ਵਿਖੇ ਲਿਵਰ ਟ੍ਰਾਂਸਪਲਾਂਟ ਸੇਵਾਵਾਂ ਸ਼ੁਰੂ ਕੀਤੀਆਂ।.ਜਿਗਰ ਟਰਾਂਸਪਲਾਂਟ ਪ੍ਰੋਗਰਾਮ ਨੂੰ ਏਜੀਆਈ-ਦ ਗੈਸਟਰੋਸੀਟੀ, ਲੁਧਿਆਣਾ ਵਿਖੇ ਮਰੀਜ਼ਾਂ ਦੀ ਸਕ੍ਰੀਨਿੰਗ, ਮੁਲਾਂਕਣ, ਪ੍ਰੀ-ਟ੍ਰਾਂਸਪਲਾਂਟੇਸ਼ਨ ਵਰਕਅੱਪ ਅਤੇ ਪੋਸਟ ਸਰਜੀਕਲ ਫਾਲੋ-ਅੱਪ ਨਾਲ ਤਿਆਰ ਕੀਤਾ ਗਿਆ ਸੀ। ਡਾਕਟਰ ਪੁਨੀਤ ਸਿੰਗਲਾ, ਐਸੋਸੀਏਟ ਡਾਇਰੈਕਟਰ, ਲਿਵਰ ਟ੍ਰਾਂਸਪਲਾਂਟ ਅਤੇ ਸਰਜੀਕਲ ਗੈਸਟ੍ਰੋਐਂਟਰੌਲੋਜੀ ਵਿਭਾਗ, ਜੇਪੀ ਹਸਪਤਾਲ (ਨੋਇਡਾ) ਦੁਆਰਾ ਸਰਜੀਕਲ ਸੇਵਾਵਾਂ ਪ੍ਰਦਾਨ ਕੀਤੀਆਂ ਗਈਆਂ।

ਟੀਮ ਨੇ ਛੇ ਮਹੀਨਿਆਂ ਦੇ ਥੋੜ੍ਹੇ ਸਮੇਂ ਜਿਸ ਵਿੱਚ 3 ਮਹੀਨੇ ਕੋਵਿਡ ਦੀ ਦੂਸਰੀ ਲਹਿਰ ਕਾਰਨ ਸੇਵਾਵਾਂ ਅਸਥਾਈ ਤੋਰ ਤੇ ਮੁਲਤਵੀ ਹੋਣ ਦੇ ਬਾਵਜੂਦ ਪੰਜ ਜਿਗਰ ਟ੍ਰਾਂਸਪਲਾਂਟ ਸਫਲਤਾਪੂਰਵਕ ਪੂਰੇ ਕੀਤੇ ਹਨ। ਡਾ: ਪੁਨੀਤ ਸਿੰਗਲਾ ,ਲਿਵਰ ਟਰਾਂਸਪਲਾਂਟ ਸਰਜਨ  ਦੇ ਸਹਿਯੋਗ ਨਾਲ ਅਤੇ ਤਿੰਨ ਉੱਘੇ ਗੈਸਟ੍ਰੋਐਂਟਰੌਲੋਜਿਸਟ ਡਾ. ਨਿਰਮਲਜੀਤ ਸਿੰਘ ਮੱਲ੍ਹੀ, ਡਾ: ਰਾਜੀਵ ਗਰੋਵਰ ਅਤੇ ਡਾ: ਜਸਮੀਤ ਸਿੰਘ ਢੀਂਗਰਾ ਅਤੇ ਗੈਸਟਰੋ ਸਰਜਨ ਡਾ. ਹਰਪਾਲ ਸਿੰਘ ਦੀ ਟੀਮ  ਮੈਡੀਕਲ ਥੈਰੇਪੀ, ਟ੍ਰਾਂਸਪਲਾਂਟ ਦੀ ਲੋੜ ਵਾਲੇ ਮਰੀਜ਼ਾਂ ਦੀ ਜਾਂਚ ਅਤੇ ਲੀਵਰ ਟ੍ਰਾਂਸਪਲਾਂਟ ਤੋਂ ਪਹਿਲਾਂ ਅਤੇ ਬਾਅਦ ਦੀ ਦੇਖਭਾਲ ਪ੍ਰਦਾਨ ਕਰਦੀ ਹੈ। ਮਹੱਤਵਪੂਰਨ ਤੋਰ ਤੇ ਕੈਡੇਵਰਿਕ ਲਿਵਰ ਟ੍ਰਾਂਸਪਲਾਂਟ ਪ੍ਰਾਪਤੀ ਲਈ ਸੂਚੀ ਵਿੱਚ ਨਾਂਮ ਦਰਜ ਕਰਨਾ ਵੀ ਹੈ ਜਿਨਾਂ ਮਰੀਜਾਂ ਕੋਲ ਪਰਿਵਾਰ ਵਿੱਚ ਉਚਿਤ ਜੀਵਿਤ ਦਾਨੀ ਨਹੀ ਹੈ।

ਇਹ ਬੜੇ ਮਾਣ ਵਾਲੀ ਗੱਲ ਹੈ ਕਿ ਉਚਿਤ ਕਾਊਂਸਲਿੰਗ, ਸਮੇਂ ਸਿਰ ਰੈਫਰਲ ਅਤੇ ਮਾਹਿਰਾਂ ਦੀ ਪ੍ਰੀ ਅਤੇ ਪੋਸਟ ਟਰਾਂਸਪਲਾਂਟ ਦੇਖਭਾਲ ਤੋਂ ਬਾਅਦ, ਪੰਜੇ ਲਿਵਰ ਟਰਾਂਸਪਲਾਂਟ ਪੂਰੀ ਤਰ੍ਹਾਂ ਸਫਲ ਹੋ ਗਏ ਹਨ ਅਤੇ ਇੱਕ ਸਿਹਤਮੰਦ ਜੀਵਨ ਬਤੀਤ ਕਰ ਰਹੇ ਹਨ। ਇਹ ਬਹੁਤ ਹੀ ਉਤਸ਼ਾਹਜਨਕ ਅਤੇ ਸਮਾਜ ਲਈ ਅੱਖਾਂ ਖੋਲ੍ਹਣ ਵਾਲੀ ਗੱਲ ਹੈ ਕਿ ਔਰਤਾਂ ਆਪਣੇ ਜਿਗਰ ਦਾ ਇੱਕ ਹਿੱਸਾ ਅਜ਼ੀਜ਼ਾਂ ਨੂੰ ਦਾਨ ਕਰਨ ਲਈ ਹਮੇਸ਼ਾ ਅੱਗੇ ਰਹੀਆਂ ਹਨ । ਆਪਣੇ ਤਜ਼ਰਬੇ ਨੂੰ ਯਾਦ ਕਰਦੇ ਹੋਏ, ਲਿਵਰ ਟ੍ਰਾਂਸਪਲਾਂਟ ਦੇ ਪਹਿਲੇ ਮਰੀਜ਼ ਸ਼੍ਰੀ ਸੋਨੀ(ਨਾਮ ਬਦਲਿਆ ਹੋਈਆ) ਨੇ ਕਿਹਾ ਕਿ ਅੰਤਮ ਪੜਾਅ ਦੀ ਜਿਗਰ ਦੀ ਬਿਮਾਰੀ ਦੇ ਨਤੀਜੇ ਵਜੋਂ ਪੇਟ ਦੇ ਪਾਣੀ ਨੂੰ ਵਾਰ-ਵਾਰ ਕੱਡਣ ਕਰਨ ਅਤੇ ਖੂਨ ਦੀ ਕਮੀ ਕਾਰਨ ਜੀਵਨ ਬਹੁਤ ਮੁਸ਼ਕਲ ਹੋ ਗਿਆ ਸੀ। ਉਸਦਾ ਜੀਵਨ ਕਾਲ ਲਿਵਰ ਟ੍ਰਾਂਸਪਲਾਂਟ ਤੋਂ ਬਿਨਾਂ ਕੁਝ ਹਫ਼ਤਿਆਂ ਤੋਂ ਮਹੀਨਿਆਂ ਤੱਕ ਸੀਮਤ ਸੀ। ਉਸਦੀ ਧੀ  ਅਣਵਿਆਹੀ ਹੋਣ ਦੇ ਬਾਵਜੂਦ ਆਪਣੇ ਬਿਮਾਰ ਪਿਤਾ ਨੂੰ ਆਪਣੇ ਜਿਗਰ ਦਾ ਇੱਕ ਹਿੱਸਾ ਦਾਨ ਕਰਨ ਲਈ ਅੱਗੇ ਆਈ। ਮਰੀਜ਼ ਦੇ  ਜਿਗਰ ਦਾ ਸਫਲ ਟ੍ਰਾਂਸਪਲਾਂਟ ਹੋਇਆ, ਜੋ ਲਗਭਗ 10 ਘੰਟਿਆਂ ਤੱਕ ਚੱਲਿਆ। ਲੀਵਰ ਦੇ  ਦਾਨੀ ਅਤੇ ਪ੍ਰਾਪਤਕਰਤਾ ਦੋਵੇਂ ਹੁਣ ਠੀਕ ਹਨ।

ਹੋਰ ਤਿੰਨ ਮਰੀਜ਼ਾਂ ਦਾ ਲਿਵਰ ਟਰਾਂਸਪਲਾਂਟ ਹੋਇਆ ਜਿੱਥੇ ਉਨ੍ਹਾਂ ਦੇ ਜੀਵਨ ਸਾਥੀ ਨੇ ਪ੍ਰਕਿਰਿਆ ਲਈ ਆਪਣੇ ਜਿਗਰ ਦਾ ਇੱਕ ਹਿੱਸਾ ਦਾਨ ਕੀਤਾ। ਪੰਜਾਬ ਦੇ ਜਿਗਰ ਦੇ ਮਰੀਜ਼ਾਂ ਲਈ ਅਜਿਹੇ ਸਫਲ ਕੇਸ ਅਤੇ ਦਲੇਰ ਦਾਨੀਆਂ ਦੀ ਲੋੜ ਹੈ। ਕੁਝ ਮਰੀਜ਼ਾਂ ਕੋਲ ਕੋਈ ਯੋਗ ਪਰਿਵਾਰਕ ਦਾਨੀ ਨਹੀਂ ਹੈ। ਕਿਉਂਕਿ ਅੰਗ ਦਾਨ ਮਨੁੱਖਜਾਤੀ ਲਈ ਜਾਣਿਆ ਜਾਣ ਵਾਲਾ ਸਭ ਤੋਂ ਉਦਾਰ ਤੋਹਫ਼ਾ ਹੈ ਜੋ ਜੀਵਨ ਦੀ ਵਿਰਾਸਤ ਨੂੰ ਸਿਰਜ ਸਕਦਾ ਹੈ, ਸਾਡੇ ਪੰਜਵੇਂ ਟ੍ਰਾਂਸਪਲਾਂਟ ਮਰੀਜ਼ ਸ੍ਰੀ ਪੁਰੀ(ਨਾਮ ਬਦਲਿਆ ਹੋਈਆ) ਖੁਸ਼ਕਿਸਮਤ ਸਨ ਕਿ ਉਨ੍ਹਾਂ ਨੂੰ ਇੱਕ ਕੈਡੇਵਰਿਕ ਜਿਗਰ ਉਪਲਬਧ ਹੋ ਗਿਆ। ਇਸ ਪ੍ਰਕਿਰਿਆ ਲਈ ਦਿੱਲੀ ਵਿੱਚ ਇੱਕ ਵਿਸ਼ੇਸ਼ “ਗਰੀਨ ਕੋਰੀਡੋਰ” ਬਣਾਇਆ ਗਿਆ ਸੀ। ਇਹ ਮਰੀਜ ਹੁਣ ਠੀਕ ਚੱਲ ਰਿਹਾ ਹੈ ਅਤੇ ਸਫਲਤਾਪੂਰਵਕ ਹਸਪਤਾਲ ਤੋ ਛੁੱਟੀ ਦੇ ਦਿੱਤੀ ਗਈ ਹੈ।

 ਅੰਤਮ ਪੜਾਅ 'ਤੇ ਜਿਗਰ ਦੀ ਬਿਮਾਰੀ (ਸਿਰੋਸਿਸ) ਦੇ ਮਰੀਜ਼ਾਂ ਵਿੱਚ ਲੰਬੇ ਸਮੇਂ ਲਈ ਬਚਣ ਦੀ ਉਮੀਦ ਦੀ ਇੱਕੋ ਇੱਕ ਕਿਰਨ ਜਿਗਰ ਟਰਾਂਸਪਲਾਂਟੇਸ਼ਨ ਹੈ ਅਤੇ ਪੰਜਾਬ ਦੇ ਖੇਤਰ ਅਤੇ ਇਸ ਦੇ ਆਸ-ਪਾਸ ਦੇ ਖੇਤਰਾਂ ਵਿੱਚ ਮਿਆਰੀ ਜਿਗਰ ਟਰਾਂਸਪਲਾਂਟ ਸੇਵਾਵਾਂ ਦੀ ਗੰਭੀਰ ਘਾਟ ਹੈ, ਇਸ ਲਈ ਸਿਹਤਮੰਦ ਮਰੀਜ਼ਾਂ ਦੀ ਦੇਖਭਾਲ ਦਾ ਇਹ ਸੰਕਲਪ ਹੈ। ਇੱਕੋ ਛੱਤ ਹੇਠਾਂ  ਸਹਿਯੋਗੀ ਟੀਮ ਏਜੀਆਈ-ਦਿ ਗੈਸਟਰੋਸੀਟੀ ਅਤੇ ਜੇਪੀ ਹਸਪਤਾਲ ਨੋਇਡਾ ਦਾ ਕੰਮ ਪੰਜਾਬ ਦੇ ਲੋਕਾਂ ਲਈ ਇੱਕ ਵੱਡਾ ਵਰਦਾਨ ਹੈ ਅਤੇ ਲੋੜਵੰਦ ਅਤੇ ਜਿਗਰ ਦੇ ਰੋਗੀਆਂ ਦੀ ਵੱਡੇ ਪੱਧਰ 'ਤੇ ਮਦਦ ਕਰੇਗਾ।