ਬਹਾਦਰ ਸ਼ਹਿਨਾਜ਼ ਦੀ ਪਹਿਲੀ ਬਰਸੀ ‘ਤੇ ਸ਼ਰਧਾਂਜਲੀ ਸਮਾਗਮ 20 ਦਸੰਬਰ ਨੂੰ

Thu, Dec 17, 2015 at 2:39 PM

ਢੰਡਾਰੀ ਬਲਾਤਕਾਰ ਅਤੇ ਕਤਲ ਕਾਂਡ–2014 ਫਿਰ ਗਰਮਾਇਆ

ਲੁਧਿਆਣਾ: 17 ਦਸੰਬਰ 2015:(ਲਖਵਿੰਦਰ//ਪੰਜਾਬ ਸਕਰੀਨ ਬਿਊਰੋ): 

ਇੱਕ ਵਰ੍ਹੇ ਪਹਿਲਾਂ ਲੁਧਿਆਣਾ ਦੇ ਢੰਡਾਰੀ ਇਲਾਕੇ ਵਿੱਚ ਅਗਵਾ, ਸਮੂਹਿਕ ਬਲਾਤਕਾਰ ਦੀ ਸ਼ਿਕਾਰ ਅਤੇ ਬੇਰਹਿਮੀ ਨਾਲ਼ ਸਾਡ਼ ਕੇ ਮਾਰੀ ਗਈ ਸ਼ਹਿਨਾਜ਼ ਦੀ ਮੌਤ ਦੀ ਪਹਿਲੀ ਬਰਸੀ ‘ਤੇ ਢੰਡਾਰੀ ਬਲਾਤਕਾਰ ਤੇ ਕਤਲ ਕਾਂਡ ਵਿਰੋਧੀ ਸੰਘਰਸ਼ ਕਮੇਟੀ ਵੱਲੋਂ 20 ਦਸੰਬਰ ਨੂੰ ਢੰਡਾਰੀ ਵਿੱਚ ਸ਼ਰਧਾਂਜਲੀ ਸਮਾਗਮ ਕੀਤਾ ਜਾ ਰਿਹਾ ਹੈ। ਸਘੰਰਸ਼ ਕਮੇਟੀ ਵੱਲੋਂ ਇਸ ਸਬੰਧੀ ਪਿਛਲੇ ਇੱਕ ਹਫ਼ਤੇ ਤੋਂ ਲੁਧਿਆਣੇ ਦੇ ਵੱਖ-ਵੱਖ ਇਲਾਕਿਆਂ ਚ ਪ੍ਰਚਾਰ ਮੁਹਿੰਮ ਚਲਾਈ ਜਾ ਰਹੀ ਹੈ। ਅੱਜ ਟਿੱਬਾ ਰੋਡ ਅਤੇ ਨਾਲ਼ ਲੱਗਦਿਆਂ ਇਲਾਕਿਆਂ ਵਿਖੇ ਪੈਦਲ ਮਾਰਚ ਕੀਤਾ ਗਿਆ, ਲੋਕਾਂ ਨੂੰ ਸਰਧਾਂਜਲੀ ਸਮਾਗਮ ਵਿੱਚ ਪਹੁੰਚਣ ਦਾ ਸੱਦਾ ਦਿੱਤਾ ਗਿਆ ਅਤੇ ਪੈਦਲ ਮਾਰਚ ਦੌਰਾਨ ਸਰਧਾਂਜਲੀ ਸਮਾਗਮ ਸਬੰਧੀ ਜਾਰੀ ਕੀਤਾ ਗਿਆ ਪਰਚਾ ਵੰਡਿਆ ਗਿਆ।

ਕਮੇਟੀ ਮੈੰਬਰ ਰਾਜਵਿੰਦਰ ਨੇ ਕਿਹਾ ਕਿ ਸਮਾਜ ਵਿੱਚ ਔਰਤਾਂ ਉੱਤੇ ਜੁਲਮ ਲਗਾਤਾਰ ਵੱਧਦੇ ਜਾ ਰਹੇ ਹਨ। ਔਰਤਾਂ ਖਿਲਾਫ਼ ਬਲਾਤਕਾਰ, ਕਤਲ, ਛੇਡ਼ਛਾਡ਼, ਮਾਰਕੁੱਟ, ਤੇਜਾਬ ਸੁੱਟਣ ਜਿਹੇ ਅਪਰਾਧਾਂ ਵਿੱਚ ਕਾਫੀ ਵਾਧਾ ਹੋਇਆ ਹੈ। ਔਰਤ ਵਿਰੋਧੀ ਮਰਦ ਮਾਨਸਿਕਤਾ ਹਰ ਕਦਮ ‘ਤੇ ਔਰਤਾਂ ਨੂੰ ਸ਼ਿਕਾਰ ਬਣਾ ਰਹੀ ਹੈ। ਸਿਰਫ ਔਰਤਾਂ ਹੀ ਨਹੀਂ ਸਗੋਂ ਸਾਰੇ ਲੋਕਾਂ ਨੂੰ ਸਰਮਾਏਦਾਰਾਂ, ਸਰਕਾਰ, ਪੁਲੀਸ, ਲੀਡਰਾਂ, ਗੁੰਡਾਗਿਰੋਹਾਂ ਵੱਲੋਂ ਭਿਆਨਕ ਲੁੱਟ-ਜ਼ਬਰ ਸ਼ਹਿਣਾ ਪੈ ਰਿਹਾ ਹੈ। ਆਮ ਲੋਕ ਗਰੀਬੀ-ਬਦਹਾਲੀ-ਲੁੱਟ-ਜ਼ਬਰ-ਅਨਿਆਂ ਦੀ ਚੱਕੀ ਵਿੱਚ ਪਿਸ ਰਹੇ ਹਨ। ਲੋਕ ਇੱਕਮੁੱਠ ਹੋ ਕੇ ਹੀ ਇਸਦਾ ਮੁਕਾਬਲਾ ਕਰ ਸਕਦੇ ਹਨ।

          ਢੰਡਾਰੀ ਬਲਾਤਕਾਰ ਅਤੇ ਕਤਲ ਕਾਂਡ ਵਿਰੋਧੀ ਸੰਘਰਸ਼ ਕਮੇਟੀ ਨੇ ਸਾਰੇ ਇਨਸਾਫ਼ਪਸੰਦ ਲੋਕਾਂ ਨੂੰ ਅਪੀਲ ਕੀਤੀ ਹੈ ਕਿ ਬਹਾਦਰ ਸਹਿਨਾਜ਼ ਦੀ ਹਿੰਮਤੀ ਲੜਾਈ ਤੇ ਹੱਕ, ਸੱਚ, ਇਨਸਾਫ਼ ਲਈ ਉਸਦੀ ਕੁਰਬਾਨੀ ਨੂੰ ਯਾਦ ਕਰਨ, ਅਤੇ ਉਸਨੂੰ ਨਿੱਘੀ ਸ਼ਰਧਾਂਜਲੀ ਦੇਣ ਲਈ 20 ਦਸਬੰਰ 2015 ਨੂੰ ਢੰਡਾਰੀ, ਲੁਧਿਆਣਾ ਵਿਖੇ ਸ਼ਰਧਾਂਜਲੀ ਸਮਾਗਮ ਵਿੱਚ ਜ਼ਰੂਰ ਪਹੁੰਚਣ।

@ਲਖਵਿੰਦਰ ਢੰਡਾਰੀ ਬਲਾਤਕਾਰ ਅਤੇ ਕਤਲ ਕਾਂਡ ਵਿਰੋਧੀ ਸੰਘਰਸ਼ ਕਮੇਟੀ ਦੇ ਕਨਵੀਨਰ ਹਨ ਅਤੇ ਉਹਨਾਂ ਦਾ 

ਫੋਨ ਨੰ- 9646150249