Sunday, October 14, 2018

ਪੰਜਾਬੀ ਲਿਖਾਰੀ ਸਭਾ ਮੰਡੀ ਗੋਬਿੰਦਗੜ੍ਹ ਦਾ ਸਾਲਾਨਾ ਸਮਾਗਮ

ਭਾਸ਼ਾ ਵਿਭਾਗ ਦੇ ਡਿਪਟੀ ਡਾਇਰੈਕਟਰ ਕਰਮਜੀਤ ਕੌਰ ਸਨ ਮੁੱਖ ਮਹਿਮਾਨ
ਮੰਡੀ ਗੋਬਿੰਦਗੜ: 14 ਅਕਤੂਬਰ 2018: (ਪਰੋਫੈਸਰ ਅੰਮ੍ਰਿਤਪਾਲ ਸਿੰਘ)::
ਪੰਜਾਬੀ ਲਿਖਾਰੀ ਸਭਾ ਵੱਲੋਂ ਗੁਰੂ ਨਾਨਕ ਦੇਵ ਜੀ ਦੇ 550 ਸਾਲਾਂ ਪ੍ਰਕਾਸ਼ ਪੁਰਬ ਨੂੰ ਸਮਰਪਿਤ ਤੇ ਸਭਾ ਦੇ ਬਾਨੀ ਗੁਰਦਿੱਤ ਸਿੰਘ ਕੰਗ ਦੀ ਯਾਦ ਵਿੱਚ ਸਾਲਾਨਾ ਸਮਾਗਮ ਸਥਾਨਕ ਸਰਕਾਰੀ ਕੰਨਿਆ ਸਮਾਰਟ ਸੀਨੀਅਰ ਸੈਕੰਡਰੀ ਸਕੂਲ ਮੰਡੀ ਗੋਬਿੰਦਗੜ੍ਹ ਦੇ ਹਾਲ ਵਿੱਚ ਸ਼੍ਰੋਮਣੀ ਸਾਹਿਤਕਾਰ ਸੁਰਜੀਤ ਸਿੰਘ ਮਰਜਾਰਾ ਦੀ ਸਰਪ੍ਰਸਤੀ ਹੇਠ ਕਰਵਾਇਆ ਗਿਆ। ਸਮਾਗਮ ਦੀ ਆਰੰਭਤਾ ਰਣਜੋਧ ਸਿੰਘ ਖਾਨਪੁਰੀ ਦੀ ਆਵਾਜ਼ ਵਿੱਚ ਗਾਏ ਸ਼ਬਦ ਨਾਲ ਕੀਤੀ ਗਈ। ਇਸ ਮੌਕੇ ਸਮਾਗਮ ਦੀ ਪ੍ਰਧਾਨਗੀ ਡਾ. ਮਨਜੀਤ ਸਿੰਘ ਕੰਗ ਸਾਬਕਾ ਉਪ ਕੁਲਪਤੀ ਪੰਜਾਬ ਐਗਰੀਕਲਚਰ ਯਨੀਵਰਸਿਟੀ ਲੁਧਿਆਣਾ ਵੱਲੋਂ ਕੀਤੀ ਗਈ। ਇਸ ਸਮਾਗਮ ਦੇ ਮੁੱਖ ਮਹਿਮਾਨ ਭਾਸ਼ਾ ਵਿਭਾਗ ਦੇ ਡਿਪਟੀ ਡਾਇਰੈਕਟਰ ਕਰਮਜੀਤ ਕੌਰ ਸਨ। ਇਸ ਮੌਕੇ ਡਾ. ਡਾ. ਐੱਸ. ਐੱਨ. ਸੇਵਕ ਨੂੰ ਚੌਥਾ ‘ਸ਼੍ਰੀ ਗੁਰਦਿੱਤ ਸਿੰਘ ਕੰਗ ਯਾਦਗਾਰੀ ਪੁਰਸਕਾਰ’, ਨਾਟਕਕਾਰ ਸਤਿੰਦਰ ਸਿੰਘ ਨੰਦਾ ਨੂੰ ‘ਮਾਤਾ ਪਰਮਿੰਦਰ ਕੌਰ ਪਲੇਠਾ ਪੁਰਸਕਾਰ’ ਅਤੇ ਸ਼ਾਇਰ ਬਲਬੀਰ ਜਲਾਲਾਬਾਦੀ ਨੂੰ ਵਿਸ਼ੇਸ਼ ਸਨਮਾਨ ਨਾਲ ਸਨਮਾਨਿਤ ਕੀਤਾ ਗਿਆ। ਉਪਰੋਕਤ ਸ਼ਖਸ਼ੀਅਤਾਂ ਬਾਰੇ ਪਰਚੇ ਪੜ੍ਹਣ ਮਗਰੋਂ ਉਨ੍ਹਾਂ ਵੱਲੋਂ ਆਪਣੇ ਵਿਚਾਰ ਪ੍ਰਗਟ ਕੀਤੇ ਗਏ।
        ਇਸ ਸਮੇਂ ਡਾ. ਅਰਵਿੰਦਰ ਕੌਰ ਕਾਕੜਾ, ਰਘਬੀਰ ਸਿੰਘ ਭਰਤ, ਆਲੋਚਕ ਅਤੇ ਲੇਖਕ ਸੁਰਿੰਦਰ ਰਾਮਪੁਰੀ ਨੇ ਸਨਮਾਨਿਤ ਸ਼ਖਸ਼ੀਅਤਾਂ ਬਾਰੇ ਆਪਣੇ ਵਿਚਾਰ ਪੇਸ਼ ਕੀਤੇ। ਇਸ ਮੌਕੇ ਸ. ਅਵਤਾਰ ਸਿੰਘ ਕੈਨੇਡਾ ਅਤੇ ਬਾਬੂ ਸਿੰਘ ਚੌਹਾਨ ਵੱਲੋਂ ਪ੍ਰਧਾਨਗੀ ਮੰਡਲ ਨੂੰ ਆਪਣੀਆਂ ਲਿਖੀਆਂ ਕਿਤਾਬਾਂ ਭੇਟ ਕੀਤੀਆਂ ਗਈਆਂ।
        ਇਸ ਮੌਕੇ ਕਵੀ ਦਰਬਾਰ ਵਿੱਚ ਰਾਮ ਸਿੰਘ ਅਲਬੇਲਾ, ਪਰਮਜੀਤ ਰਾਏ, ਨਰਿੰਦਰ ਮਣਕੂ, ਸ਼ਮੀਮ ਪਾਇਲਵੀ, ਦਲਜੀਤ ਸ਼ਰਮਾ, ਹਰਬੰਸ ਸਿੰਘ ਰਾਏ, ਕਮਲਜੀਤ ਮਾਂਗਟ, ਕੈਪਟਨ ਚਮਕੌਰ ਸਿੰਘ ਚਹਿਲ, ਉਪਕਾਰ ਸਿੰਘ ਦਿਆਲਪੁਰੀ, ਕੈਲਾਸ਼ ਅਮਲੋਹੀ, ਬਾਬੂ ਸਿੰਘ ਚੌਹਾਨ, ਸੁਰਿੰਦਰ ਰਾਮਪੁਰੀ, ਦੀਪ ਕੁਲਦੀਪ, ਡਾ. ਅਰਵਿੰਦਰ ਕੌਰ ਕਾਕੜਾ, ਜਗਜੀਤ ਸਿੰਘ ਗੁਰਮ, ਹਰਭਜਨ ਸਿੰਘ ਨਿਊਆਂ, ਰਣਜੋਧ ਸਿੰਘ ਖਾਨਪੁਰੀ, ਸਨੇਹਇੰਦਰ ਸਿੰਘ ਮੀਲੂ, ਡਾ. ਕੁਲਵਿੰਦਰ ਕੌਰ ਮਿਨਹਾਸ ਆਦਿ ਨੇ ਆਪਣੀਆਂ ਰਚਨਾਵਾਂ ਪੇਸ਼ ਕੀਤੀਆਂ।
        ਕੁਲਦੀਪ ਚੱਢਾ, ਸੁਖਵਿੰਦਰ ਸਿੰਘ ਭਾਦਲਾ, ਰਵਿੰਦਰ ਸਿੰਘ ਸਵੈਚ, ਰਵਿੰਦਰ ਸਿੰਘ ਰੁਪਾਲ, ਮਨਦੀਪ ਡਡਿਆਣਾ, ਗੁਰਸੇਵਕ ਸਿੰਘ, ਗੁਰਦੀਪ ਸਿੰਘ, ਨਰਿੰਦਰ ਭਾਟੀਆ, ਰਵਿੰਦਰ ਸਿੰਘ ਪਦਮ, ਕੁਲਵੀਰ ਕੌਰ, ਤੇਜਪਾਲ ਸਿੰਘ ਮਰਜਾਰਾ, ਰਾਜੀਵ ਰਤਨ, ਅੰਮ੍ਰਿਤਪਾਲ ਸਿੰਘ ਵੀ ਸਭਾ ਦੇ ਸਮਾਗਮ ਵਿੱਚ ਸ਼ਾਮੂਲੀਅਤ ਕੀਤੀ।
        ਸਭਾ ਵੱਲੋਂ ਉਚੇਚੇ ਤੌਰ ‘ਤੇ ਪੁੱਜੀਆਂ ਸ਼ਖ਼ਸ਼ੀਅਤਾਂ ਨੂੰ ਸਨਮਾਨ ਚਿੰਨ੍ਹ ਦੇ ਕੇ ਸਨਮਾਨਿਤ ਕੀਤਾ ਗਿਆ। ਮੰਚ ਸੰਚਾਲਨ ਜਗਜੀਤ ਸਿੰਘ ਗੁਰਮ ਤੇ ਸਨੇਹਇੰਦਰ ਮੀਲੂ ਨੇ ਕੀਤਾ। ਸਭਾ ਦੇ ਪ੍ਰਧਾਨ ਅਨੂਪ ਸਿੰਘ ਖਾਨਪੁਰੀ ਨੇ ਆਏ ਲੇਖਕਾਂ ਅਤੇ ਸਾਹਿਤ ਪ੍ਰੇਮੀਆਂ ਦਾ ਧੰਨਵਾਦ ਕੀਤਾ।        

No comments: