ਬ੍ਰਹਮਕੁਮਾਰੀਜ਼ ਈਸ਼ਵਰੀਯ ਵਿਸ਼ਵਵਿਦਿਆਲਾ ਨੇ ਚਲਾਈ ਸਿੱਖਿਆ ਮੁਹਿੰਮ
ਸ਼ਾਮ ਦੀ ਸਭਾ ਆਮ ਨਾਗਰਿਕਾਂ ਦੇ ਲਈ ਵਿਸ਼ਵ ਸ਼ਾਂਤੀ ਸਦਨ, ਪਿੰਡ ਝਾਂਡੇ ਵਿਚ ਲੁਧਿਆਣਾ ਜੋਨ ਦੀ ਪ੍ਰਮੁੱਖ ਪ੍ਰਸ਼ਾਸਿਕਾ ਬ੍ਰ.ਕੁ. ਰਾਜਕੁਮਾਰੀ ਜੀ ਦੀ ਪ੍ਰਧਾਨਗੀ ਵਿਚ ਆਯੋਜਿਤ ਕੀਤੀ ਗਈ। ਅਨੇਕਾਂ ਪ੍ਰਮੁਖ ਸ਼ਖਸੀਅਤਾਂ ਸਾਬਕਾ ਵਿਧਾਇਕ ਜਗਦੀਸ਼ ਗਰਚਾ ਜੀ, ਜ਼ਿਲ੍ਹਾ ਸਿਖਿਆ ਅਫਸਰ (ਸੈ:) ਸ੍ਰੀਮਤੀ ਪਰਮਜੀਤ ਕੌਰ, ਜ਼ਿਲ੍ਹਾ ਸਿੱਖਿਆ ਅਫਸਰ (ਪ੍ਰਾ:) ਸ੍ਰੀ ਗੁਰਜੀਤ ਸਿੰਘ ਜੀ, ਡਾ. ਸੁਭਾਸ਼ ਬੱਤਾ ਦੇ ਨਾਲ ਬ੍ਰ.ਕੁ. ਸਰਸ ਜੀ, ਬ੍ਰ.ਕੁ. ਸੀਮਾ ਜੀ, ਬ੍ਰ.ਕੁ. ਮੀਨਾਕਸ਼ੀ ਜੀ, ਬ੍ਰ.ਕੁ. ਸੁਸ਼ਮਾ, ਸ੍ਰੀ ਪਵਨ ਬੱਤਰਾ, ਸ੍ਰੀ ਗੁਰਪ੍ਰੀਤ ਭਾਈ ਨੇ ਵੀ ਜਯੋਤੀ ਜਲਾ ਕੇ ਪ੍ਰੋਗਰਾਮ ਦਾ ਸ਼ੁਭ ਅਰੰਭ ਕੀਤਾ।
ਬ੍ਰ.ਕੁ. ਸਵਾਮੀਨਾਥਨ ਜੀ ਨੇ ਸਭਾ ਨੂੰ ਸੰਬੋਧਨ ਕਰਦੇ ਹੋਏ ‘ਸੰਬੰਧਾਂ ਵਿਚ ਮਧੁਰਤਾ’ ਬਣਾਈ ਰੱਖਣ ਅਤੇ ਵਧਾਉਣ ਦੇ ਲਈ ਜੀਵਨ ਮੁੱਲਾਂ ਦੀ ਮਹੱਤਤਾ ਦੱਸੀ ਅਤੇ ਖੁਸ਼ਹਾਲ ਤੇ ਤੰਦਰੁਸਤ ਜੀਵਨ ਦੇ ਲਈ ‘ਸੰਬੰਧਾਂ ਵਿਚ ਮਧੁਰਤਾ’ ਨੂੰ ਜ਼ਰੂਰੀ ਦੱਸਿਆ। ਆਪਸੀ ਸੰਬੰਧਾਂ ਦੇ ਦਿ੍ਰੜ੍ਹ ਹੋਣ ਨਾਲ ਹੀ ਸਸ਼ਕਤ, ਤੰਦਰੁਸਤ ਸਮਾਜ ਤੇ ਦੇਸ਼ ਦਾ ਨਿਰਮਾਣ ਹੁੰਦਾ ਹੈ, ਹਰ ਇਕ ਵਿਅਕਤੀ ਦੇ ਖੁਸ਼ਹਾਲ ਤੇ ਤੰਦਰੁਸਤ ਰਹਿਣ ਦੇ ਲਈ ਕਸਰਤ ਅਤੇ ਚੰਗੇ ਖਾਣ-ਪੀਣ ਦੇ ਨਾਲ ਸਕਾਰਾਤਮਕ ਸੋਚ ਤੇ ਰਾਜਯੋਗ ਦਾ ਅਭਿਆਸ ਕਰਨ ਦੀ ਪ੍ਰੇਰਣਾ ਦਿੱਤੀ। ਉਨ੍ਹਾਂ ਨੇ ਕਿਹਾ ਕਿ ਸਾਨੂੰ ਆਪਣਿਆਂ ਦੇ ਨਾਲ ਦਿਲ ਖੋਲ੍ਹ ਕੇ ਗੱਲ ਕਰਨੀ ਚਾਹੀਦੀ ਹੈ ਤਾਂ ਕਿ ਦਿਲ ਨੂੰ ਔਜ਼ਾਰਾਂ ਨਾਲ ਨਾ ਖੋਲ੍ਹਣਾ ਪਵੇ।
ਖੁਸ਼ ਰਹਿਣ ਨਾਲ ਅਸੀਂ ਅਨੇਕਾਂ ਬਿਮਾਰੀਆਂ ਤੋਂ ਬਚ ਸਕਦੇ ਹਾਂ। ਇਸ ਦੇ ਨਾਲ ਹੀ ਉਨ੍ਹਾਂ ਨੇ ਯਾਦਦਾਸ਼ਤ ਵਧਾਉਣ ਤੇ ਮਨ ਨੂੰ ਸਸ਼ਕਤ ਬਣਾਉਣ ਦੇ ਪ੍ਰਯੋਗਿਕ ਅਨੁਭਵ ਵੀ ਕਰਾਏ। ਪੂਰਨ ਰੂਪ ਵਿਚ ਸਾਰੇ ਲੋਕਾਂ ਲਈ ਬਹੁਤ ਰਚਨਾਤਮਕ ਤੇ ਰੋਚਕ ਪ੍ਰੋਗਰਾਮ ਸੀ।
No comments:
Post a Comment