ਸਾਹਿਤਿਕ ਹਲਕਿਆਂ ਵਿੱਚ ਸੋਗ ਦੀ ਲਹਿਰ-ਸੋਸ਼ਲ ਮੀਡੀਆ ਤੇ ਸੋਗ ਸੁਨੇਹੇ
ਜਸਵੰਤ ਸਿੰਘ ਜਫਰ ਹਮੇਸ਼ਾਂ ਝੰਜੋੜਦੀ ਰਹੀ ਹੈ। ਕੁਝ ਸੋਚਣ ਲਈ ਮਜਬੂਰ ਕਰਦੀ ਰਹੀ ਹੈ। ਜਦ ਵੀ ਉਹਨਾਂ ਦੀ ਰਚਨਾ ਪੜ੍ਹੀ ਇਹੀ ਮਹਿਸੂਸ ਹੋਇਆ ਇਹ ਕਿਤਿਓਂ ਬਹੁਤ ਉੱਪਰੋਂ ਉਤਰੀ ਹੈ। ਜਦੋਂ ਪਹਿਲੀ ਵਾਰ ਮੇਲ ਹੋਇਆ ਉਦੋਂ ਕਾਰਟੂਨਾਂ ਦੀ ਦੁਨੀਆ ਵਿੱਚ ਉਹਨਾਂ ਦਾ ਨਾਮ ਸੀ। ਫਿਰ ਬਿਜਲੀ ਅੰਦੋਲਨ ਵੇਲੇ ਵੀ ਉਹ ਮੀਡੀਆ ਲਈ ਵਿਸ਼ਲੇਸ਼ਕ ਸਾਬਿਤ ਹੋਏ। ਅਜਿਹਾ ਬਹੁਤ ਕੁਝ ਹੈ ਜਿਸਦਾ ਜ਼ਿਕਰ ਕੀਤਾ ਜਾ ਸਕਦਾ ਹੈ ਪਰ ਇੱਕ ਅਜਿਹਾ ਭਾਣਾ ਵਰਤਿਆ ਜਿਸਦਾ ਕਿਸੇ ਨੂੰ ਚਿਤਚੇਤਾ ਵੀ ਨਹੀਂ ਸੀ। ਉਹਨਾਂ ਦਾ ਨੌਜਵਾਨ ਬੇਟਾ ਬੇਟਾ ਵਿਵੇਕ ਸਦੀਵੀ ਵਿਛੋੜਾ ਦੇ ਗਿਆ। ਇਹ ਸਭ ਉਦੋਂ ਹੋਇਆ ਜਦੋਂ ਉਸਦੇ ਠੀਕ ਹੋਣ ਦੀ ਖਬਰ ਵੀ ਸੀ। ਇਸ ਹਾਦਸੇ ਮਗਰੋਂ ਉਹੀ ਸ਼ਾਇਰ ਸੰਤੁਲਿਤ ਰਹਿ ਸਕਦਾ ਸੀ ਜਿਸਨੇ ਸਿਰਫ ਲੋਕਾਂ ਲਈ ਨਾ ਲਿਖਿਆ ਹੋਇਆ ਬਲਕਿ ਆਪਣੇ ਵਿਚਾਰਾਂ ਨੂੰ ਖੁਦ ਵੀ ਜਿੰਦਗੀ ਵਿੱਚ ਢਾਲਿਆ ਹੋਵੇ। ਬੇਟੇ ਦੇ ਤੁਰ ਜਾਣ ਮਗਰੋਂ ਵੀ ਇਹ ਆਖਣਾ ਕਿ ਨਹੀਂ ਉਹ ਅਜੇ ਕਿਤੇ ਨਹੀਂ ਗਿਆ---ਅੱਜ ਦੇ ਯੁਗ ਵਿੱਚ ਭਾਣਾ ਮੰਨਣ ਦੀ ਸਿਖਰ ਹੈ। ਇਸ ਦੁੱਖ ਮੌਕੇ ਸ਼ਬਦ ਨਹੀਂ ਮਿਲ ਰਹੇ। ਇਸ ਲੈ ਇਥੇ ਦਿੱਤੀ ਜਾ ਰਹੀ ਹੈ ਜਫਰ ਹੁਰਾਂ ਦੀ ਹੀ ਲਿਖਤ।
Vivek Has Gone Nowhere । ਚਲਾ ਨਹੀਂ ਗਿਆ ਵਿਵੇਕ
-ਜਸਵੰਤ ਸਿੰਘ ਜਫਰ
Vivek Has Gone Nowhere । ਚਲਾ ਨਹੀਂ ਗਿਆ ਵਿਵੇਕ
-ਜਸਵੰਤ ਸਿੰਘ ਜਫਰ
ਜਸਵੰਤ ਸਿੰਘ ਜਫਰ |
ਅਸੀਂ ਡਾ. ਸੇਖੋਂ ਤੋਂ ਪੁਛਿਆ ਕਿ ਕਦੋਂ ਤੱਕ ਦਾਨ ਕੀਤੇ ਸਾਰੇ ਅੰਗਾਂ ਨੂੰ ਪ੍ਰਾਪਤ ਕਰਨ ਦੀ ਕਾਰਵਾਈ ਕਰ ਲਵੋਗੇ। ਉਸ ਦੱਸਿਆ ਕਿ ਉਹ ਹੋਰ ਵਿਭਾਗ ਹੈ, ਉਸ ਨਾਲ ਸਬੰਧਤ ਡਾ. ਕੱਲ੍ਹ ਦਿਨੇ ਮਿਲਣਗੇ ਪਹਿਲਾਂ ਕੁਝ ਲਿਖਤੀ ਕਾਰਵਾਈ ਹੋਏਗੀ। ਅਸੀਂ ਕਿਹਾ ਕਿ ਪਤਾ ਕਰ ਲਓ ਕਿ ਜੇ ਹੁਣ ਆ ਸਕਦੇ ਹਨ ਅਸੀਂ ੲਿਸ ਨੂੰ ਹੁਣੇ ਮੁਕੰਮਲ ਕਰ ਕੇ ਖੁਸ਼ ਹੋਵਾਂਗੇ। ਉਹਨਾਂ ਡਾ. ਨਾਲ ਗੱਲ ਕੀਤੀ ਜੋ ੲਿਕ ਘੰਟੇ ਵਿਚ ਪਹੁੰਚ ਗਈ। ਫਾਰਮ ਵਗੈਰਾ ਦਸਤਖਤ ਕੀਤੇ। ਉਸ ਵਲੋਂ ਵਿਵੇਕ ਦੀ ਸਿਹਤ ਦੇ ਰਿਕਾਰਡ ਨਾਲ ਸਬੰਧਤ ਸਵਾਲਾਂ ਦੇ ਜੁਆਬ ਦਿੱਤੇ। ਉਹਨਾਂ ਦੱਸਿਆ ਕਿ ਦਾਨ ਕੀਤੇ ਗਏ ਸਾਰੇ ਅੰਗਾਂ ਨੂੰ ਪ੍ਰਾਪਤ ਕਰਨ ਦੀ ਕਾਰਵਾਈ 48 ਘੰਟੇ ਵਿਚ ਪੂਰੀ ਕਰ ਲੈਣਗੇ।ਤਦ ਤਕ ਉਸ ਦੇ ਸਰੀਰ ਦੇ ਸਾਰੇ ਸਿਸਟਮ ਨੂੰ ਵੈਂਟੀਲੇਟਰ ਰਾਹੀਂ ਚਲਦਾ ਰੱਖਿਆ ਜਾਵੇਗਾ।
ਘਰ ਆ ਕੇ ਸਾਰੇ ਜੀਆਂ ਨੂੰ ਇਸ ਸਾਰੇ ਕਾਸੇ ਤੋਂ ਜਾਣੂੰ ਕਰਾਿੲਅਾ ਗਿਆ। ਸਭ ਨੇ ਮਤਾ ਪਾਸ ਕੀਤਾ ਕਿ ਵਿਵੇਕ ਦੇ ਰੂਪ ਵਿਚ ਪ੍ਰਾਪਤ ਹੋਏ ਸ਼ਾਨਦਾਰ ਸਾਥ ਲਈ ਪ੍ਰਮਾਤਮਾ ਦਾ ਸ਼ੁਕਰਾਨਾ ਹੀ ਕੀਤਾ ਜਾਵੇਗਾ, ਕੋਈ ਰੋਣ ਵਿਰਲਾਪ ਨਹੀਂ ਕੀਤਾ ਜਾਵੇਗਾ। ਉਸ ਦੀਆਂ ਗੱਲਾਂ ਕੀਤੀਆਂ, ਪ੍ਰਸ਼ਾਦਾ ਛਕਿਆ। ਵੱਡੇ ਪਰਿਵਾਰ ਦੇ ਬਹੁਤੇ ਜੀਅ ਆਪੋ ਆਪਣੇ ਸੌਣ ਦੀਆਂ ਥਾਵਾਂ ਤੇ ਚਲੇ ਗਏ। ਬਾਕੀਆਂ ਨੇ ਹੋਰ ਗੱਲਾਂ ਕੀਤੀਆਂ। India ਨਾਲੋਂ ਿਦਨ-ਰਾਤ ਦਾ ਫਰਕ ਹੋਣ ਕਰਕੇ ਸਾਨੂੰ ਨੀਂਦ ਨਹੀਂ ਆਈ, ੲਿਸ ਕਰਕੇ ਮੈਂ ਤੁਹਾਡੀ ਜਾਣਕਾਰੀ ਲਈ ਇਹ ਅੱਖਰ ਲਿਖ ਦਿੱਤੇ ਹਨ। ਸਾਡੇ ਜੋ ਜਾਣਕਾਰ ਫੇਸਬੁਕ ਤੇ ਨਹੀਂ ਹਨ ਉਹਨਾਂ ਨੂੰ ਪੜ੍ਹ ਕੇ ਸੁਣਾ ਦੇਣਾ।
ਆਪ ਸਭ ਨੂੰ ਬੇਨਤੀ ਹੈ ਕਿ ਸਾਡੀ ੲਿਸ ਮਨੋਦਸ਼ਾ ਨੂੰ ਬਣਾਈ ਰੱਖਣ ਲਈ ਸਾਡੀ ਸਹਾਇਤਾ ਕਰਨਾ। ਤੁਹਾਡੀ ਹਮਦਰਦੀ ਅਤੇ ਅਫਸੋਸ ਵਾਲੇ ਬੋਲ ਬਿਨ-ਬੋਲਿਆਂ ਸਾਡੇ ਤੱਕ ਪਹੁੰਚ ਰਹੇ ਹਨ। ਆਪਣੀ ਅਤੇ ਸਾਡੀ ਚੜ੍ਹਦੀ ਕਲਾ ਲਈ ਕਾਮਨਾ ਕਰਨਾ। ਵਿਵੇਕ ਸਬੰਧੀ ਜੇ ਕੋਈ ਚੰਗੀਆਂ ਗੱਲਾਂ/ਯਾਦਾਂ ਸਾਂਝੀਆਂ ਕਰਨ ਨੂੰ ਮਨ ਕਰਦਾ ਹੋਵੇ ਤਾਂ ਉਹ ਕਿਸੇ ਨਾ ਕਿਸੇ ਰੂਪ 'ਚ ਸਾਡੇ ਲਈ ਅਮਾਨਤ ਵਾਂਗ ਲਿਖ ਰੱਖਣਾ।
ੲਿਸ ਭਿਆਨਕ ਲਗਦੇ ਹਾਦਸੇ ਨੂੰ ਸਹਿਜਤਾ ਨਾਲ ਸਹਿਣ ਦੀ ਸ਼ਕਤੀ ਕਿਥੋਂ ਆਈ ੲਿਹ ਕਦੀ ਫਿਰ ਸਾਂਝਾ ਕਰਾਂਗੇ।
No comments:
Post a Comment