‘ਭਾਰਤ ਵਿੱਚ ਫਿਰਕਾਪ੍ਰਸਤੀ ਦੀ ਵਧਦੀ ਚੁਣੌਤੀ’

ਇਸ ਮੁੱਦੇ ਉੱਤੇ ਵਿਚਾਰ ਗੋਸ਼ਟੀ 15 ਫਰਵਰੀ ਨੂੰ 

ਲੁਧਿਆਣਾ:11 ਫਰਵਰੀ 2015: (ਸੰਦੀਪ): 

Courtesy photo

Courtesy image

ਆਉਣ ਵਾਲੀ 15 ਫਰਵਰੀ ਨੂੰ ‘ਭਾਰਤ ਵਿੱਚ ਫਿਰਕਾਪ੍ਰਸਤੀ ਦੀ ਵਧਦੀ ਚੁਣੌਤੀ’ ਦੇ ਵਿਸ਼ੇ ਉੱਤੇ ਇੱਕ ਵਿਚਾਰ ਗੋਸ਼ਠੀ ਡਾ.ਅੰਬੇਡਕਰ ਧਰਮਸ਼ਾਲਾ, ਜਮਾਲਪੁਰ, ਲੁਧਿਆਣਾ ਵਿਖੇ ਕਰਵਾਈ ਜਾ ਰਹੀ ਹੈ। ਇਹ ਵਿਚਾਰ ਗੋਸ਼ਟੀ ਨੌਜਵਾਨ ਭਾਰਤ ਸਭਾ ਅਤੇ ਬਿਗੁਲ ਮਜ਼ਦੂਰ ਦਸਤਾ ਵੱਲੋਂ ਸਾਂਝੇ ਤੌਰ ‘ਤੇ ਆਯੋਜਿਤ ਕੀਤੀ ਜਾ ਰਹੀ ਹੈ।
ਭਾਰਤ ਵਿੱਚ ਫਿਰਕਾਪ੍ਰਸਤੀ ਤਾਕਤਾਂ ਦਿਨ-ਬ-ਦਿਨ ਵਧੇਰੇ ਤਿੱਖੇ ਰੂਪ ਵਿੱਚ ਸਾਹਮਣੇ ਆ ਰਹੀਆਂ ਹਨ। ਹਿੰਦੂਤਵੀ ਕੱਟੜਪੰਥੀ, ਮੁਸਲਿਮ ਕੱਟਡੜਪੰਥੀ, ਸਿੱਖ ਕੱਟੜਪੰਥੀ ਸਭ ਨੇ ਲੋਕ ਮਨਾਂ ਵਿੱਚ ਧਾਰਮਿਕ ਕੱਟੜਤਾ ਦਾ, ਦੂਸਰੇ ਧਰਮਾਂ ਦੇ ਲੋਕਾਂ ਪ੍ਰਤੀ ਨਫਰਤ ਦਾ ਜ਼ਹਿਰ ਘੋਲਣ ਦੀਆਂ ਨਾਪਾਕ ਕੋਸ਼ਿਸ਼ਾਂ ਬਹੁਤ ਤੇਜ਼ ਕਰ ਦਿੱਤੀਆਂ ਹਨ। ਕਿਰਤੀ ਲੋਕਾਂ ਉੱਤੇ ਆਰਥਿਕ ਹਮਲੇ ਤੇਜ਼ ਹੋ ਗਏ ਹਨ, ਦਿਨ ਬ ਦਿਨ ਲੋਕਾਂ ਦੀ ਆਰਥਿਕ ਹਾਲਤ ਵਧੇਰੇ ਤੋਂ ਵਧੇਰੇ ਨਿੱਘਰਦੀ ਜਾ ਰਹੀ ਹੈ। ਫਿਰਕਾਪ੍ਰਸਤ ਤਾਕਤਾਂ ਦਾ ਮਕਸਦ ਇਹੋ ਹੈ ਕਿ ਲੋਕਾਂ ਦਾ ਧਿਆਨ ਅਸਲ ਮੁੱਦਿਆਂ ਤੋਂ ਹਟਾਇਆ ਜਾਵੇ। ਇਹਨਾਂ ਲੋਕ ਵਿਰੋਧੀ ਤਾਕਤਾਂ ਦਾ ਮਕਸਦ ਹੈ ਲੋਕਾਂ ਨੂੰ ਆਪਸ ਵਿੱਚ ਵੰਡ ਕੇ, ਲੜਾ-ਮਰਾਕੇ ਲੋਕਾਂ ਦੀ ਆਰਥਿਕ, ਸਮਾਜਿਕ, ਸਿਆਸੀ ਲੁੱਟ ਨੂੰ ਹੋਰ ਤੇਜ਼ ਕਰਨਾ। ਇਸ ਲਈ ਸਭਨਾਂ ਇਨਸਾਫ਼ਪਸੰਦ ਲੋਕ ਪੱਖੀ ਵਿਅਕਤੀਆਂ, ਸੰਸਥਾਵਾਂ ਨੂੰ ਇਸ ਮੁੱਦੇ ਉੱਤੇ ਗੰਭੀਰਤਾਪੂਰਵਕ ਵਿਚਾਰ ਕਰਨੀ ਚਾਹੀਦਾ ਹੈ। ਇਸ ਸਬੰਧੀ ਇਹ ਵਿਚਾਰ ਕਰਨਾ ਹੋਵੇਗਾ ਕਿ ਹਿਟਲਰ ਦੀਆਂ ਭਾਰਤੀ ਫਾਸੀਵਾਦੀ ਔਲਾਦਾਂ ਕਿਵੇਂ ਮਿੱਟੀ ਵਿੱਚ ਮਿਲਾਇਆ ਜਾਵੇਗਾ। ਉਹ ਕਿਹੜੀਆਂ ਤਾਕਤਾਂ ਹੋਣਗੀਆਂ, ਕਿਹੜੇ ਤਰੀਕੇ ਹੋਣਗੇ ਜਿਹਨਾਂ ਨਾਲ਼ ਇਹਨਾਂ ਫਿਰਕਾਪ੍ਰਸਤ ਫਾਸੀਵਾਦੀ ਤਾਕਤਾਂ ਨੂੰ ਮਾਤ ਦਿੱਤੀ ਜਾਵੇਗੀ। ਇਸ ਸਬੰਧੀ ਵਿਚਾਰ-ਚਰਚਾ ਕਰਨ ਲਈ ਹੀ ਇਹ ਵਿਚਾਰ ਗੋਸ਼ਟੀ ਰੱਖੀ ਗਈ ਹੈ।

ਸੰਦੀਪ ਨੌਜਵਾਨ ਭਾਰਤ ਸਭਾਸਰਗਰਮ ਕਾਰਕੁੰਨ  ਦਾ ਸੰਪਰਕ ਫੋਨ ਨੰਹੈ:--- 8556890142