ਸਵਾਲ ਇੱਕ ਤਜਰਬੇ ਦਾ ਹੈ, ਜੋ ਸਾਨੂੰ ਲੱਗਦਾ ਹੈ ਕਿ ਸਫ਼ਲ ਨਹੀਂ ਹੋਇਆ
ਕੇਂਦਰੀ ਪੰਜਾਬੀ ਲੇਖਕ ਸਭਾ (ਰਜਿ.) ਦੀਆਂ ਚੋਣਾ ਹੋ ਚੁੱਕੀਆਂ ਨੇ। 1463 ਵੋਟਰਾਂ ਨੇ ਆਪਣੇ ਹੱਕ ਦੀ ਵਰਤੋਂ ਕੀਤੀ । ਅਸੀਂ ਸਾਰੇ ਦੋਸਤ ਬੜੇ ਬਾਗੋ-ਬਾਗ ਸਾਂ ਕਿ ਨਤੀਜਾ ਇੱਕ ਮਿਨਟ ਵਿੱਚ ਆ ਜਾਵੇਗਾ।
ਇਹ ਲਿੰਕ ਵੀ ਦੇਖੋ -----430 ਤੋਂ ਵਧੇਰੇ ਵੋਟਾਂ ਹੀ ਗਾਇਬ ਹਨ
ਨਤੀਜੇ ਆਏ, ਰਲਵੇਂ ਮਿਲਵੇਂ,ਕਾਲੀ ਚੇਣ ਹਾਰ ਗਿਆ.ਪਰ ਅਤਰਜੀਤ ਹੋਰੀਂ ਜਿੱਤ ਗਏ । ਜੇ ਡਾ.ਰਾਮ ਮੂਰਤੀ ਹਾਰ ਗਿਆ ਤਾਂ ਡਾ.ਮਾਨ ਸਿੰਘ ਢੀੰਡਸਾ ਅਤੇ ਵਰਗਿਸ ਸਲਾਮਤ ਚੇਣ ਜਿੱਤ ਗਏ । ਜਸਵੀਰ ਝੱਜ,ਕਰਮ ਸਿੰਘ ਵਕੀਲ ਸਾਰੇ ਪੈਨਲਾਂ ਵਿੱਚ ਸਨ । ਜਦੋਂ ਪਹਿਲਾ ਨਤੀਜਾ ਐਲਾਨਿਆ ਜਾ ਰਿਹਾ ਸੀ ,ਅਤਰਜੀਤ ਅਤੇ ਸੁਲੱਖਨ ਸਰਹੱਦੀ ਹੋਰਾਂ ਦੀਆਂ ਵੋਟਾਂ 517-516 ਬਾਰੇ ਬਹੁਤ ਸਾਰੇ ਦੋਸਤਾਂ ਜੋਹਲ ਸਾਹਿਬ ਨੂੰ ਹੈਰਾਨ ਹੋ ਕੇ ਟੋਕਿਆ ਵੀ ਸੀ । ਕਿਉਂ ਕਿ ਕੁੱਲ ਵੋਟਾਂ 1463 ਹਨ । ਸੀਨੀਅਰ ਮੀਤ ਪਰਧਾਨ ਦੇ ਦੋਵੇਂ ਉਮੀਦਵਾਰਾਂ ਨੂੰ ਪਈਆਂ ਵੋਟਾਂ ਦਾ ਕੁੱਲ ਜੋੜ 1033 ਬਣਦਾ ਹੈ । ਇਹੋ ਹਾਲ ਜਨਰਲ ਸਕੱਤਰ ਦੇ ਅਹੁਦੇ ਤੇ ਪਈ ਵੋਟ ਦਾ ਹੈ। ਡਾ.ਕਰਮਜੀਤ ਸਿੰਘ ਅਤੇ ਦੇਸ ਰਾਜ ਕਾਲੀ ਨੂੰ ਕਰਮਵਾਰ 581 ਅਤੇ 449 ਵੋਟ ਪਈ ਹੈ,ਜੋੜ ਫਿਰ 1030 ਬਣਦਾ ਹੈ।
ਇਹ ਸਵਾਲ ਜੌਹਲ ਸਾਹਿਬ ਨੂੰ ਪੁੱਛਿਆ ਗਿਆ, ਬਹੁਤ ਨਿਮਰਤਾ ਨਾਲ ,ਸਤਿਕਾਰ ਨਾਲ ਬਿਨਾਂ ਕਿਸੇ ਸ਼ੋਰ ਸ਼ਰਾਬੇ ਤੋਂ ।ਉਹਨਾਂ ਦਾ ਜਵਾਬ ਸੀ ਕਿ ਲੋਕਾਂ ਇਹਨਾਂ ਦੋ ਅਹੁਦਿਆੰ ਲਈ ਵੋਟ ਨਹੀਂ ਪਾਈ ਹੋਵੇਗੀ, ਫਿਰ ਵੀ ਮੈਂ ਪਤਾ ਕਰਕੇ ਪਰਚੀਆਂ ਦਾ ਜੋੜ ਲਾਕੇ ਤੁਹਾਨੂੰ ਦੱਸਦਾ ਹਾਂ । ਇਹ ਕਹਿਕੇ ਉਹ ਉੱਥੋਂ ਉੱਠ ਗਏ। ਅਸੀਂ ਸੋਚਿਆ ਕਿ ਉਹ ਅੰਦਰ ਗਏ ਹਨ ਪਰ ਬਾਦ ਵਿੱਚ ਪਤਾ ਲੱਗਾ ਕਿ ਉਹ ਉੱਥੋਂ ਚਲੇ ਗਏ ਹਨ ।ਇੱਥੇ ਕੁਝ ਰੁਕਦੇ ਹਾਂ, ਸਾਹ ਵੀ ਲੈਂਦੇ ਹਾਂ ਤੇ ਜੌਹਲ ਸਾਹਿਬ ਦੀ ਰਾਤ ਪੋਸਟ ਕੀਤੀ ਇੱਕ ਲਿਖਤ ਵੱਲ ਧਿਆਨ ਮਾਰਦੇ ਹਾਂ ( ਆਹ ਕੁਝ ਪ੍ਰੋਫੈਸ਼ਨਲ ਲੜਾਕੇ ਆਪਣੇ ਗੱਲ ਕਿਓਂ ਪਾ ਲਏ। ਦੋ ਚਾਰ ਅੱਗੇ ਹੋ ਗਏ ਤੇ ਵੱਡੇ ਖਿਲਾੜੀ ਪਿੱਛੇਓ਼ ਪੰਪ ਮਾਰਨ ਲਗ ਪਏ.....ਜੌਹਲ ਸਾਹਿਬ)ਦੋ ਗੱਲਾਂ ਪੁੱਛੀਆਂ ਤੇ ਅਸੀਂ ਪ੍ਰੋਫੈਸ਼ਨਲ ਲੜਾਕੇ ਹੋ ਗਏ...ਧੰਨਵਾਦ ਜੌਹਲ ਸਾਹਿਬ.(ਮੈਨੂੰ ਮੈਨੂੰ ਕੁਝ ਵੀ ਲਿਖਤੀ ਦੇਣ ਦੀ ਬਜਾਏ, ਪਹਿਲੋ ਆਪਣਾ ਮੂਹ ਪ੍ਰੈਸ ਵੱਲ ਕਰ ਲਿਆ ....ਜੌਹਲ ਸਾਹਿਬ) ਜੌਹਲ ਸਾਹਿਬ ਅਸੀਂ ਕਿਸੇ ਪਰੈਸ ਕੋਲ ਨਹੀਂ ਗਏ ਸਾਂ ਪਰੈਸ ਵਾਲਿਆਂ ਦੇ ਫੋਨ ਆਉਣ ਉੱਤੇ ਆਪਣਾ ਪੱਖ ਜ਼ਰੂੂਰ ਰੱਖਿਆ ਸੀ...........ਲਿਖਤੀ ਤੌਰ ਤੇ ਆਪਣਾ ਇਤਰਾਜ਼ ਪੱਤਰ ਤੁਹਾਡੇ ਘਰ ਜਾਕੇ ਮੈਂ ਖੁਦ ਦੇ ਕੇ ਆਇਆ ਹਾਂ।ਤੁਸੀਂ ਘਰ ਹੀ ਸੀ । ਪਰ ਸਾਨੂੰ ਤੁਸੀਂ ਝੂਠ ਕਿਹਾ ਕਿ ਤੁਸੀਂ ਘਰ ਨਹੀਂ ਹੋ ਸਗੋਂ ਪਾਰਟੀ ਤੇ ਹੋ । 7-55 ਸ਼ਾਮ ਨੂੰ ਤੁਸੀਂ ਕਿ ਤੁਸੀਂ ਪਾਰਟੀ ਤੇ ਹੋ ਜਦ ਕਿ 8-13 ਤੇ ਜਦ ਅਸੀਂ ਤੁਹਾਡੇ ਘਰ ਪੁੱਜੇ ਤਾਂ ਤੁਸੀਂ ਘਰ ਹੀ ਸੀ ਜਨਮੇਜਾ ਜੌਹਲ ਜੀ ਇੰਜ ਤੇ ਨਾ ਕਰੋ..........................।
ਅਗਲੀ ਗੱਲ ਜੌਹਲ ਸਾਹਿਬ ਸੀਨੀਅਰ ਮੀਤ ਪਰਧਾਨ ਅਤੇ ਜਨਰਲ ਸਕੱਤਰ ਦੀ ਸਿੱਧੀ ਵੋਟ ਨੇ ਹੀ ਦੱਸਣਾ ਹੈ ਕਿ ਕੁਲ਼ ਵੋਟ ਕਿੰਨੀ ਪੋਲ ਹੋਈ। 430 ਵੋਟਾਂ ਟੋਟਲ ਪੋਲ ਹੋਈ ਵੋਟ ਦਾ 29% ਬਣਦਾ ਹੈ । ਕੀ ਇਹ ਗੱਲ ਮੰਨਣ ਯੋਗ ਹੈ ਕਿ ਵੋਟ ਪਾਉਣ ਵਾਲੇ ਦੋਸਤਾਂ ਚੋਂ ਕਰੀਬ ਇੱਕ ਤਿਹਾਈ ਨੇ ਸੀਨੀਅਰ ਮੀਤ ਪਰਧਾਨ ਅਤੇ ਜਨਰਲ ਸਕੱਤਰ ਨੂੰ ਵੋਟ ਹੀ ਨਾ ਪਾਈ ਹੋਵੇ ? ਜੌਹਲ ਸਾਹਿਬ ਨੇ ਆਪਣੀ ਲਿਖਤ ਵਿੱਚ ਪਿਛਲੀ ਚੋਣ ਦੇ ਨਤੀਜੇ ਦਾ ਹਵਾਲਾ ਦਿੰਦਿਆਂ ਕਿਹਾ ਕਿ 200 ਲੋਕਾਂ ਨੇ ਵੋਟ ਨਹੀਂ ਪਾਈ । ਪਿਛਲੀ ਵਾਰ ਵੀ ਕੁੱਲ ਵੋਟਾਂ ਏਨੀਆਂ ਹੀ ਪਈਆਂ ਸਨ। ਜਿਸ ਵਿੱਚ ਜਨਰਲ ਸਕੱਤਰ ਤੇ ਸੀਨੀਅਰ ਮੀਤ ਪਰਧਾਨ ਲਈ 3-3 ਉਮੀਦਵਾਰ ਮੈਦਾਨ ਚ ਸਨ । ਜੇ ਉਦੋਂ 200 ਲੋਕਾਂ ਦੀਆਂ ਵੋਟਾਂ ਲਾਪਤਾ ਹੋਣ ਤਾਂ ਮੈਂ ਕੇਂਦਰੀ ਸਭਾ ਦੀ ਮੈਂਬਰ ਸ਼ਿੱਪ ਤੋ ਅਸਤੀਫਾ ਦੇ ਦਿਆਂਗਾ।
ਅਸੀਂ ਪੰਜਾਬੀ ਲੇਖਕ ਤੁਹਾਡੀ ਨੀਅਤ ਤੇ ਸ਼ੱਕ ਨਹੀਂ ਕਰ ਰਹੇ ਜੌਹਲ ਸਾਹਿਬ,ਸਵਾਲ ਇੱਕ ਤਜਰਬੇ ਦਾ ਹੈ ,ਜੋ ਸਾਨੂੰ ਲੱਗਦਾ ਹੈ ਕਿ ਸਫ਼ਲ ਨਹੀਂ ਹੋਇਆ .ਤੁਹਾਨੂੰ ਇਸ ਗੱਲ ਨੂੰ ਮੰਨਣਾ ਚਾਹੀਦਾ ਹੈ ।
ਸਾਨੂੰ ਤਸੱਲੀ ਕਰਵਾ ਦਿਉ.ਸਾਡੀ ਕੋਈ ਜ਼ਿਦ ਨਹੀਂ ਹੈ । ਅਸੀਂ ਤੁਹਾਡੇ ਜਿੰਨੇ ਨਾ ਸਹੀ ਪਰ ਜ਼ਿੰਮੇਵਾਰ ਲੋਕ ਹਾਂ......................ਤੁਹਾਡੀ ਭਾਸ਼ਾ ਚ ਪ੍ਰੋਫੈਸ਼ਨਲ ਲੜਾਕੇ ਨਹੀਂ..
ਇਸੇ ਪੋਸਟ 'ਤੇ ਕੁਝ ਟਿੱਪਣੀਆਂ:
No comments:
Post a Comment