ਹਾਦਸਿਆਂ ਦੇ ਡਰ ਨਾਲ ਸਹਿਮੇ ਲੋਕਾਂ ਨੇ ਲਿਆ ਸੁੱਖ ਦਾ ਸਾਹ
ਲੁਧਿਆਣਾ: 23 ਜੂਨ 2014: (ਪੰਜਾਬ ਸਕਰੀਨ ਬਿਊਰੋ):
ਦੂਸ਼ਣਬਾਜ਼ੀਆਂ,
ਵਿਕਾਸ ਰੋਕਣ ਵਰਗੀਆਂ ਧਮਕੀਆਂ ਅਤੇ ਇਸ ਤਰਾਂ ਬਹੁਤ ਸਾਰੀਆਂ ਨਾਂਹ ਪੱਖੀ ਗੱਲਾਂ ਨਜਰ
ਅੰਦਾਜ਼ ਨੂੰ ਕਰਕੇ ਇਹਨਾਂ ਤੋਂ ਉਠਦਿਆਂ ਕਾਂਗਰਸ ਪਾਰਟੀ ਦੇ ਮੈਂਬਰ ਪਾਰਲੀਮੈਂਟ ਰਵਨੀਤ
ਸਿੰਘ ਬਿੱਟੂ ਨੇ ਅੱਜ ਰੇਲਵੇ ਫਾਟਕ ਦਾ ਉਦਘਾਟਨ ਕੀਤਾ। ਇਲਾਕੇ ਦੇ ਲੋਕਾਂ ਨੇ ਇਸਦਾ
ਸਵਾਗਤ ਜ਼ੋਰਦਾਰ ਨਾਅਰਿਆਂ ਅਤੇ ਤਾੜੀਆਂ ਨਾਲ ਕੀਤਾ।
ਲੁਧਿਆਣਾ ਅਤੇ ਹਿਸਾਰ ਨੂੰ ਮਿਲਾਉਣ ਵਾਲੀ ਧੂਰੀ ਲਾਈਨ 'ਤੇ ਭੀੜਭਾੜ ਵਾਲੇ ਅਜਿਹੇ
ਕਈ ਇਲਾਕੇ ਹਨ ਜਿਹਨਾ ਚੋਣ ਗੁਜਰਦੀ ਰੇਲਵੇ ਲਾਈਨ ਤੇ ਫਾਟਕ ਹੁੰਦਾ। ਲੋਕ ਆਪਣੇ ਕੰਮਾਂ
ਕਾਰਣ ਕਾਰਣ ਖਤਰਾ ਮੁਲ ਲੈ ਕੇ ਸੜਕ ਪਾਰ ਕਰਦੇ ਹਨ ਅਤੇ ਕਈ ਵਾਰ ਹਾਦਸਿਆਂ ਦਾ ਸ਼ਿਕਾਰ ਹੋ
ਕੇ ਜਾਨ ਤੋਂ ਵੀ ਹੱਥ ਧੋ ਬੈਠਦੇ ਹਨ। ਖਤਰਿਆਂ ਭਰਿਆ ਅਜਿਹਾ ਹੀ ਇੱਕ ਇਲਾਕਾ ਹੈ
ਲੁਧਿਆਣਾ ਦਾ ਹਿੰਮਤ ਸਿੰਘ ਨਗਰ। ਇਥੇ ਵੀ ਲੋਕਾਂ ਨੂੰ ਰੇਲਵੇ ਲਾਈਨ ਬਾਰ ਬਾਰ ਪਾਰ ਕਰਨੀ
ਪੈਂਦੀ ਹੈ। ਇਸ ਇਲਾਕੇ ਚੋਂ ਲੰਘਦੀ ਰੇਲ ਲਾਈਨ 'ਤੇ ਫਾਟਕ ਬਣਾਉਣ ਲਈ ਕਾਂਗਰਸ
ਪਾਰਟੀ ਨੇ ਸੰਨ 2006 ਵਿੱਚ ਕੋਸ਼ਿਸ਼ਾਂ ਸ਼ੁਰੂ ਕੀਤੀਆਂ ਸਨ। ਲਗਾਤਾਰ ਕੋਸ਼ਿਸ਼ਾਂ ਦੇ ਸਿੱਟੇ
ਵੱਜੋਂ ਮਈ 2011 ਵਿੱਚ ਇਸਦਾ ਨੀਂਹ ਪੱਥਰ ਰੱਖਿਆ ਗਿਆ---ਤੇ ਹੁਣ 2014 ਵਿੱਚ ਇਸ ਫਾਟਕ
ਦਾ ਰਸਮੀ ਉਦਘਾਟਨ ਸੰਭਵ ਹੋ ਸਕਿਆ। ਇਸ ਮੌਕੇ ਤੇ ਸੀਨੀਅਰ ਕਾਂਗਰਸੀ ਆਗੂ ਮਲਕੀਤ ਸਿੰਘ
ਦਾਖਾ, ਲੋਕ ਗਾਇਕੀ ਤੋਂ ਸਿਆਸਤ ਵਿੱਚ ਆਏ ਮੋਹੰਮਦ ਸਦੀਕ, ਕੋਂਸਲਰ ਗੁਰਦੀਪ ਕੌਰ ਮੀਡੀਆ
ਨਾਲ ਸਬੰਧਿਤ ਕਾਂਗਰਸੀ ਆਗੂ ਸੁਸ਼ੀਲ ਮਲਹੋਤਰਾ, ਕੈਪਟਨ ਨਛਤਰ ਸਿੰਘ, ਮਾਸਟਰ ਸੁਖਦੇਵ ਸਿੰਘ
ਅਤੇ ਦਵਿੰਦਰ ਕਥੂਰੀਆ ਸਮੇਤ ਕਈ ਹੋਰ ਆਗੂ ਅਤੇ ਸਰਗਰਮ ਵਰਕਰ ਵੀ ਮੌਜੂਦ ਸਨ।
ਮੈਂਬਰ ਪਾਰਲੀਮੈਂਟ ਰਵਨੀਤ ਬਿੱਟੂ ਨੇ ਜਿੱਥੇ ਰੇਲਵੇ ਦਾ ਧੰਨਵਾਦ ਕੀਤਾ ਉੱਥੇ ਵੀ ਦੁਹਰਾਇਆ ਕਿ ਵਿਕਾਸ ਦੀ ਰਫਤਾਰ ਵਿੱਚ ਆਉਣ ਦਿੱਤੀ ਜਾਵੇਗੀ।
No comments:
Post a Comment