ਆਈ ਡੀ ਪੀ ਡੀ ਨੇ ਵੀ ਕੀਤੀ ਪਾਕਿਸਤਾਨੀ ਕਰਤੂਤ ਦੀ ਨਿਖੇਧੀ

Thu, Aug 8, 2013 at 4:04 PM
ਪਰਮਾਣੂ ਅਸਤਰ ਵਰਤਣ ਨਾਲ ਮਾਰੇ ਜਾ ਸਕਦੇ ਨੇ 1.2 ਕਰੋੜ ਲੋਕ

                            ਫਾਈਲ ਫੋਟੋ 

ਇੰਡੀਅਨ ਡਾਕਟਰਜ਼ ਫ਼ਾਰ ਪੀਸ ਐਂਡ ਡਿਵੈਲਪਮੈਂਟ ਨੇ ਪਾਕਿਸਤਾਨੀਆਂ ਵਲੋਂ ਭਾਰਤੀ ਸੈਨਿਕਾਂ ਦੀ ਹੱਤਿਆ ਦੀ ਨਿਖੇਧੀ ਕੀਤੀ ਹੈ। ਇਸਦੇ ਕਾਰਨ ਦੋਨਾਂ ਦੇਸ਼ਾਂ ਵਿਚਾਲੇ ਤਣਾਅ ਵੱਧ ਗਿਆ ਹੈ ਜਿਹੜਾ ਕਿ ਖਿੱਤੇ ਵਿੱਚ ਅਮਨ ਅਤੇ ਵਿਕਾਸ ਦੇ ਲਈ ਹਾਨੀਕਾਰਕ ਹੈ। ਦੋਨੋ ਦੇਸ਼ਾਂ ਕੋਲ ਪਰਮਾਣੂ ਹਥਿਆਰ ਹਨ। ਤਣਾਅ ਵਧਣ ਦੀ ਸੂਰਤ ਵਿੱਚ ਇਹਨਾਂ ਦੇ ਵਰਤੇ ਜਾਣ ਦਾ ਖਤਰਾ ਵੱਧ ਜਾਏਗਾ। ਅਧਿੱਅਨ ਦੇ ਮੁਤਾਬਿਕ ਦੋਨਾਂ ਦੇਸ਼ਾ ਵਲੋਂ ਪਰਮਾਣੂ ਅਸਤਰ ਵਰਤਣ ਦੇ ਨਾਲ 1.2 ਕਰੋੜ ਲੋਕ ਮਾਰੇ ਜਾ ਸਕਦੇ ਹਨ। ਅਸੀਂ ਪਹਿਲਾਂ ਹੀਰੋਸ਼ੀਮਾ ਤੇ ਨਾਗਾਸਾਕੀ ਤੇ ਇਹਨਾਂ ਬੰਬਾਂ ਦੁਆਰਾ ਹੋਈ ਤਬਾਹੀ ਦੇਖ ਚੁਕੇ ਹਾਂ। ਆਈ ਦੀ ਪੀ ਦੀ ਦੇ ਪ੍ਰਧਾਨ ਡਾ ਐਲ ਐਸ ਚਾਵਲਾ ਜਨਰਲ ਸਕੱਤਰ ਡਾ ਅਰੁਣ ਮਿੱਤਰਾ ਨੇ ਮੀਡੀਆ ਨੂੰ ਦੱਸਿਆ ਕੀ ਮਾਮਲਾ ਬਹੁਤ ਹੈ। 

ਆਈ ਡੀ ਪੀ ਡੀ ਦਾ ਡੈਲੀਗੇਸ਼ਨ ਖ਼ੁਦ ਹੀਰੋਸ਼ੀਮਾਂ ਦੇ ਅਜਾਇਬਘਰ ਵਿੱਚ ਦਿਲ ਦਹਿਲਾਉਣ ਵਾਲੀਆਂ ਘਟਨਾਵਾਂ ਨੂੰ ਦੇਖ ਕੇ ਆਇਆ ਹੈ। ਇਸ ਲਈ ਅਸੀਂ ਅਪੀਲ ਕਰਦੇ ਹਾਂ ਕਿ ਪਾਕਿਸਤਾਨ ਨੂੰ ਇੰਝ ਦੀਆਂ ਘਟਨਾਵਾਂ ਨਾ ਹੋਣ ਨੂੰ ਰੋਕਣ ਦੇ ਲਈ ਸਖ਼ਤ਼ ਕਦਮ ਚੁੱਕਣੇ ਲੋੜੀਂਦੇ ਹਨ। ਨਾਲ ਹੀ ਦੋਨਾਂ ਦੇਸ਼ਾਂ ਨੂੰ ਕੂਟਨੀਤਿਕ ਗੱਲਬਾਤ ਰਾਹੀਂ ਹਾਲਾਤ ਸੁਖਾਵੇਂ ਬਨਾਉਣ ਦੇ ਉਦਮ ਕਰਨੇ ਚਾਹੀਦੇ ਹਨ ਅਤੇ ਵਿਸ਼ਵਾਸ ਮਜ਼ਬੂਤ ਕਰਨ ਦੇ ਲਈ ਲੋਕਾਂ ਦਾ ਆਉਣ ਜਾਣ ਅਸਾਨ ਬਨਾਣਾ ਚਾਹੀਦਾ ਹੈ।